Mob siab ua tus neeg tshaj txoj Moozoo:  Yog li mus thiab muab txhua haiv neeg los ua thwjtim

By: Xh. Fungchatou Lo, Ph.D.

Grace Lutheran Chruch

Brooklyn Park, Minnesota

 

Greetings: 

Thov Vajtswv foom koobhmoov rau nej thiab thov Nws txojkev haumxeeb los kav nej txhua tus lub siab ntawm Tswv Yexus lub npe.  Asmees.

 

Vajtswv txoj lus qhuabqhia hnub no yog hais txoj Tswv Yexus cov lus samhwm “The Great Commission” rau peb nyob rau hauv Mathais 28th.

 

Text:  Matthew 28:16-20  (NKV)

 

“Ces kaum-ib tug thwjtim txawm mus pem Kalilais tebchaws, lawv mus pem lub roob uas Yexus twb qhia rau lawv kom lawm mus.  Thaum lawv pom Yexus lawv hawm nws, tiamsis muaj ib txhia tseem ua yemyav.  Ces Yexus los rau ntawm lawv thiab hais tias, “Txhua yam hwjcim uas nyob saum ntujceebtsheej thiab hauv ntiajteb no twb muab tag nrho rau kuv lawm.  Yog li mus thiab muab txhuav haivneeg los ua thwjtim, ua kevcai ntxuav rau ntawm Leejtxiv thiab Leejtub thiab Ntsujplig tus dawbhuv lub name; thiab cobqhia kom lawv coj raws li txhuayam uas Kuv twb qhia rau nej lawm; Tshwjxeeb tiag, Kuv yeej nrog nej nyob mus txog thaum lub ncai nyoog kawg.”  Asmees. 

 

Let us pray:

 

I.       Introduction:

 

Thaum ub muaj ib tug tub tshaj txoj Moozoo hu uas Robert Morrison, thaum nws yuav mus tshaj txoj Moozoo rau Suav teb, muaj neeg tau nug nws hais tias, “Koj puas ntseeg tau hais tias koj yuav mus qhia tau cov neeg Suav uas teevtiam dab mas?”  Morrison teb hais tias, “Koj yeej yuav ua tsis tau, tiamsis Vajtswv yuav ua tau.”

 

Koj yuav teb li cas?  Yog hais tias thaum koj mus ntseb tus Thawj Coj Tshaj txoj Moozoo es nws hais rau koj hais tias koj yuav tau mus tshaj Vajtswv txoj lus nyob rau lwm lub teb chaw?

 

Koj yuav teb li cas?  Yog nws hais rau koj hais tias, thaum koj mus ntawd, tsuas pub koj nqa Vajtswv txojlus xwb. 

 

Koj yuav teb li cas?  Yog nws hais rau koj hais tias, koj yuav tsum tau mus kawm kom txawj haivneeg ntawd lus mas koj thiaj li yuav qhia tau Vajtswv txojlus rau lawv.

 

Koj yuav teb li cas? Yog nws hais rau koj hais tias, koj yuav tsum hloov koj tus kheej kom:

·        Zoo li haivneeg ntawd

·        Hnav tsoos tsho zoo li lawv hnav

·        Noj tej zaub mov li lawv noj

·        Haus tej dej uas lawv haus

·        Nyob li lawv nyob

·        Pwv li lawv pwv

·        Ua koj lub neej li lawv ua

 

Koj yuav teb li cas? Yog nws hais tias, txawm koj mus ua npaum li ntawd los, haivneeg ntawd yuav tsis nyiaj tej uas koj qhia.  Lawv yuav ntxub koj thiab muab koj tua pov tseg.

 

Koj puav yuav teb rau nws hais tias, “Ua li, cia kuv mus”.

 

Thaum peb tham txoj “mus tshaj txoj Moozoo”, coob tus ntseeg nyuav siab heev, vim lawv muaj kev ntshai nyob rau hauv lawv lub siab.

 

·        Peb ntshai hais tias peb yeej tsis muaj “cai” mus qhia rau ib tug neeg twg kom nws yuav tsum ntseeg txoj kev ntseeg twg.

 

·        Peb ntshai hais tias peb yeej tsis muaj “cai” mus muab kev pab rau ib tug neeg twg uas tsis tau taij kev pab los ntawm peb. 

 

·        Peb ntshais hais tias nyobtsam lawv paub hais tias peb twb tsis coj raws li peb txoj kev ntseeg thiab.

 

Yog li, twb tsim nyog peb yuav teb Vatjswv hais tias, “Tus Tswv, kuv nyob ntawm no, thov xa kuv mus.”  Los peb txawm teb tus Tswv hais tias, “Thov xa tus tov, tus nrav, tus pev mus, thov txhob xa kuv mus.”

 

Peb yuav keb li ub li no hais tias:

·        Kuv yeej tsis tau txoj koobhmoov uas mus qhia Vajtswv txojlus

·        Kuv tsis paub yuav qhia txog kev ntseeg li cas rau lawv.

 

Yog li ntawd, peb nrhiav tswv yim los ua ib cov neeg uas tsis mob siab mus qhia Vajtswv txojlus.  

 

Ces peb txawm cia li xav hais tias, “Kuv mam ua kuv lub neej kom qhia tau Vajtswv txoj kev hlub es mus hawm Vajtswv txhuav Hnubkaj xwb.” 

 

Los yog, peb txawm cia li hais tias, “Kuv mam li qhia Vajtswv txoj lus rau lawv nyob rau hauj kuv lub neej xws li qhia rau lwm paub hais tias kuv yog ib tug ntseeg Vatjswv thaum lawv nug kuv.” 

 

Thaum peb coj li no, ces peb muaj Tswv Yexus “cov lus samhwm” saib zoo li yog ib co lust sis tseemceeb.  Peb xav hais tias nws cov lus yog request (Lus Thov), or worst yet, yog suggestion (lus fajtseg) xwb.

 

Thaum zoo li no, ces yog peb tsis mob siab mus qhia Vajtswv txojlus. 

 

II.      The Great Commission:

 

Cov kwvtij ntseeg sawvdaws, the Great Commission is a command from our Lord.  Vajtswv txoj lus samfwm ntawd yog txoj “lus txhib” peb.

 

Raws li Tswv Yexus twb yog tus ua mob siab qhia Vajtswv txojlus tshaj, nws yeej paub hais tias yog nws cov ntshav tsis nrog mus neeg ntiajteb yeej yuav tsis tau txoj kev cawm dim. 

 

Yog li ntawd, nws thiaj li tsis nyob hauv twjywm saum Ntujceebtsheej tos es cia peb mam li mus cuag nws xwb. 

 

Tswv Yexus twb tsis yog nqi saum Ntujceebtsheej los rau hauv ntiajteb no xwb.  Nws tseem txo nws lub hwjchim, los yug ua neeg kom muaj roj muaj ntsha li peb.  Nws los yug zoo li peb.  Nws tau ua lub neej dawbhuv rau peb, raug tsimtxom hloov peb chaw, tau tuag thiab sawv hauv qhovtuag rov los txhiv peb lub txim thiab kovyeej Dab thiab txojkev tuag rau peb.  Tswv Yexus yeej zoo siab hlo ua tej no pab peb. 

 

Tiamsis Tswv Yexus yeej paub zoo hais tais yeej nyuab npaum li cas thaum nws hais tias, “Yog li mus thiab muab txhuav haivneeg los ua thwjtim”.

 

Nws thiaj li hais tias:

·        “Txhua yam hwjcim uas nyob saum ntujceebtsheej thiab hauv ntiajteb no twb muab tag rau kuv lawm

 

·        Tshwjxeeb tiag, Kuv yeej nrog nej nyob mus txog thaum lub ncai nyoog kawg.”

 

Tsis tag li ntawd xwb, nws tseem qhia rau peb hais tias peb yuav tsum mus ua li cas es txhua haivneeg thiaj li yuav los ua tau Nws cov thimtim.

 

Txoj kev uas yuav mus muab neeg ua thimtim no Tswv Yexus qhia tseeb tseeb nyob rau ntawm ob lo lus:   “ua kevcai ntxuav” thiab “cobqhia lawv”.

 

III.    Make Disciples Through Holy Baptism:

 

Tswv Yexus tsis yog lam hais ob los lus--mus muab lawv ua kevcai ntxuav thiab qhia lawv--no sib raws es kom zoo mloog los yog nws tsis muaj qab ntxhiab dab tsis. 

 

Qhov uas Tswv Yexus hasi ob los lus no sib raws hais tias, “mus muab lawv ua kevcai ntxuav thiab cobqhia lawv”, no yog Tswv Yexus twb pom dhau ntawm thawj kauj ruam ntawm txoj kev cawdim uas, rau cov neeg laus, ces peb yuav tsum xub qhia Vajtswv txoj lus rau lawv tsom mam li muab lawv los ua kevcai ntxuav.  Nws twb pom hais tias Nws pawg ntseeg yuav muaj nyob rau txhuav haivneeg thiab cov me nyuam yuav los cuag Nws tau lawv tseem yau, dhau los ntawm txoj kevcai ntxuav. 

 

“Kevcai ntxuav”, mas muaj ntau lub ntsiab nyob rau ntau peb cov pawg ntseeg.

 

Tiamsis, nyob rau peb cov Lutherans, peb ntseeg hais tias:

·        Dhau los ntawm txoj kevcai ntxuav, Vajtswv yuav peb los ua Nws cov menyuam.  Nws los ua peb Txiv.

·        Dhau los ntawm txoj kevcai ntxuav, Vajtswv Leejtub los ua peb tus cawmseej thiab ua peb tus tijlauj hlob.  Peb los koom ua ke rau Nws lubcev; peb muab Yexus Khetos coj los hnav.  Nws txoj kev ncajncees cia li yog peb cev khaubncaws uas dawb huv.

·        Dhau los ntawm txoj kevcai ntxuav, Vajtswv Ntujplig los ua tus txhaw thiab tivthaiv peb.  Peb los ua Nws qhov chaw nyob, ces nws los nyob rau hauv peb.

·        Dhau los ntawm txoj kevcai ntxuav, peb los nrog Vajtswv sibraug zoo, Peb los koom nrog Vajtswv ua kev.  Nws los ua peb tus Vajtswv thiab peb los ua Nws haiv neeg, “uas yog tam li peb yog nws cov yaj nyob rau hauv nws pab yaj”.

 

Kevcai ntxuav tsis yog ua piv txuv zoo li lwm pawg ntseeg hais.

 

Kevcai ntxuav yog txoj kev tau Vajtswv txoj Koobhmoov; yog txojkev uas muab neeg los ua tus Tswv cov thwjtim.

 

Kevcai ntxuav yog txoj kev uas cov neeg txhaum los txhais tau Vajtswv txoj kev zam txim.

 

Luther yeej hais yog lawm, “Kevcai ntxuav zam tau txhim, cawm tau neeg ntawm txoj kev tuag thiab ntawm dab, thiab muab tau txojsia ntev must as ib txhis rau cov uas ntseeg li no.”

 

Yog li ntawd, peb yuav tsum mus thiab ua kevcai ntxuav rau txhua haivneeg—poj thiab txiv neeg, cov laus thiab cov menyuam yaus, tus muaj thiab tus pluag huv tibsi.

 

Kevcai ntxuav yog txoj hauv kev uas muab neeg los ua Yexus cov thwjtim. 

 

IV.     Make Disciples Through Teaching:

 

Dhau ntawd kevcai ntxuav lawm, Tswv Yexus hais tias, mus “cobqhia” (which includes public preaching) lawv; kuj yog ib txoj kev mus muab neeg los ua Yexus cov thwjtim thiab.

 

Tswv Yexus hais rau nws cov Thwjtim hais tias, “Cobqhia raws ua lawv li tej uas Kuv twb qhia rau nej lawm.”  Yog txhais tau hais tias, qhia kom lawv yuav tsum mloog Vatjswv lus es tsov tej kev txhaum uas lawv niajhnub ua tseg.

 

Lawv yuav tsum tsis txhob tswj lawv lub siab tawm tsav Vajtswv txojlus, tiamsis cia Vajtswv txojlus los kav lawv lub siab, lawv lus neej, thiab lawv tus nkeej.

 

Yuav tsum qhia koom zoo thiab qhov tseeb rau lawv es kom Vajtswv txoj lus yog qho uas tseemceeb nyob rau hauv lawv lub siab es tsis pub leejtwg muab tshem tau ntawm lawv mus, los yog tuaj ntxias tau lawv poob kev ntseeg dhau los ntawm tej kev qhia cuav. 

 

Yog li peb yuav tsum qhia dabtsi?

 

Peb tus Tswv qhia rau peb hais tias peb yuav tsum “Qhia txhua yam uas Kuv twb qhia rau nej lawm.”

 

Yog li peb yuav tsum qhia txog:

·        Nws tej dejnum thiab tej lus pivtxhwv nws hais

·        Nws tej lus samhwm thiab cog tseg

·        Nws tej lus thov, kev txo hwjchim, kev ntseeg, kev zamtxim, nws lub neej los nyob hauv ntiajteb no

·        Thiab qhia txog nws tej txujci kho mob, raug tsimtxom, kev tuag, sawv hauv qho tuag rov qab los, thiab mus rau saum ntujceebtsheej lawm.

 

Peb yuav tsum qhia txog tej kev phem ntawm kev txhaum, thiab qhia txog txoj kev cawmdim uas zoo kawg nkaus.

 

Peb yuav tsum qhia Vajtswv txoj kevcai kom txaus nkaus uas mus tsoo tau neeg lub siab tawv qhib plho rau Vatjswv txojlus.

 

Peb yuav tsum qhia txog Vajtswv txoj kev cawmdim koom zoo kawg nkaus uas los mus muab tau lub siab tshiab rau tibneeg.

 

Peb yuav tsum qhia Vajtswv txojlus koom zoo kawg nkaus thiab raws li muaj sau cia rau hauv Vajlus Kub.

 

Peb yuav tsum qhia rau txhuav tws txog tej uas Tswv Yexus twb qhia rau peb lawv es kom pab tau lawv los ua lub neej raws li Vajtswv hais.

 

Vajtswv txoj lus yeej tsis yuam kev li thaum Tswv Yexus hais tias, “Yog nej nyob rawv hauv Kuv Txojlus, ces tseeb tiag, nej yeej yog Kuv cov thwjtim.” (Jn 8:31).

 

Yog li ntawd, peb lub homphiaj ntawm Vajtswv txoj lus uas peb mus qhia yog:

·        Pab kom tibneeg tso lawv tej kev txhaum tseg es los txais txoj kev cawmdim.

·        Coj lawv los rau ntawm Tswv Yexus

·        Pab kom lawv niaj hnub koom nrog Tswv Yexus Khetos.

·        Thiab pab kom lawv txoj kev ntseeg yuav lojhlob nyob rau hauv Yexus. 

·        Pab kom lawv totaub zoo txog txoj kev lost au kev cawmdim dhau los ntawd txoj kev ntseeg uas nyob rau hauv Tswv Yexus (2 Tm 3:15).  Vim hais tias, Vajtswv cov menyuam yeej muaj peevxwm ua tau dejnum zoo.  (2 Tm 3:17).

 

·        Pab kom lawv paub Vajtswv, tus ua yog tus tseem Vajtswv, thiab Tswv Yexus, tus uas Vajtswv tau txhib los pab peb. (Jn 17:3).

 

Tej no yog txoj sia ntev dhawv mus ib txhis, thiab yog lub homphiaj loj uas nyob rau ntawm peb txoj kev qhuab qhia uas samhwm rau peb los ntawm peb tus Tswv.

 

V.      The Great Comfort--Gospel:

 

Ua ntej thaum peb tus Tswv yuav mus saum Ntujceebtsheej, Nws kuj tsis yog txib kom peb mus tshaj txoj Moozoo xwb.  Nws tseem hais ib cov lub txawm peb zog thiab.

 

Nws hais rau peb hais tias, “Tsheej xeeb tiag, kuv yeej yuav nrog nej nyob mus txog hnub lub sijhawm.” (“And lo, I am with you always, even to the end of the age” )

 

Nws cov lus no tsis yog Nws lam hais xwb. 

 

Nws yog ib cov lus tseeb tiag.   

 

Los lus nyob rau hauv phauv Vajtswv luskub American hais tias, “And Lo” yog txhais hais tias, “Take note,”  or “Pay close attention!” 

 

Nws yeej paub hais tias peb yuav poob siab heev hais txog tes dejnum ua Nws txhib peb mus qhia nws txoj lus ntawd.  Yog li, nws thiaj li hais tias, “Ceeb toom,  los yog “Tshwjxeeb tiag””  kuv yeej yuav nrog nej nyob mus txog hnub lub sijhawm.”

 

Yog li ntawd, Tswv Yexus yeej xav kom peb muab peb lus siab thiab ob qhov muag saib ntsoov rau ntawm nws xwb, es peb thiaj li yuav ua tau tes dejnum uas nws txhib peb mus ua.

 

Mus tshaj txoj Moozoo yog ib txoj haujlwm uas haus ntshai kawg thiab tsis tau luag li.

 

Nws tsis yog ib qho uas yoojyim rau ib tug ntseeg twg cia li ntawm hauv nws lub vaj lub tsev mus rau ib tebchaw dej es mus tshaj Vajtswv txoj lus.

 

Tiamsis, tsis yog nws mus nws ib leeg xwb.  Tswv Yexus yeej nrog nraim nws nyob.

 

Nws yeej tsis yoojyim rau ib tug ntseeg twg cia li mus ncig ib lub tsev rau ib lub tsev mus kho lawv qhov rooj, es qhia Vajtswv txojlus rau ib tug neeg uas nws tsis tau paub li.  Tiamsis, tsis yog nws mus nws ib leeg xwb.  Tswv Yexus yeej nrog nraim nws nyob.

 

Mus tshaj Vajtswv txoj lus yeej txhaus ntshai kawg nkaus li.  Yog li ntawd, peb tus Tswv thiaj li ceebtoom rau peb hais tias, “Ceevfaj, Kuv xa nej mus zoo li cov yaj mus nrog hma nyob.”  (Mt 10:16).

 

Tiamsis, tsis yog peb mus peb ib leeg xwb.  Tswv Yexus yeej nrog nraim nws nyob.

 

Peb tus tswv yug yaj yeej nrog peb nyob, txhawb peb , thiab tivthaiv peb rau ntawm Nws to pas nrig thiab Nws lub hwjchim.  Nws thiaj li hais tias, “Txhua yam hwjcim uas nyob saum ntujceebtsheej thiab hauv ntiajteb no twb muab tag rau kuv lawm. 

 

Peb yeej tsis nyob twmzeej li.  Tswv Yexus yeej nrog nraim peb nyob rau ntawm nws txoj kev hlub.

 

Muaj ntau zaus peb yeej qhaug zog kawg hais txog mus tshaj txoj Moozoo, vim peb tsis muaj peevxwm.  Tiamsis peb tus Tswv yeej nyob nrog nraim peb nyob ua ke. 

 

Nws txoj koobhmoov yeej pwvnpo rau peb, vim Nws lub peevxwm yog lub zogloj rau peb. (2 Cor 12:9).

 

Yog li ntawd, peb yuav tsum mus tshaj Nws txoj Moozoo.

 

VI.     Conclusion:

 

Nej twb tau ua kev ntxuav rau ntawm Vajntsujplig lawm, ces nej twb yog Yexus cov tug thwjtim lawm. 

 

Yog li ntawd, tam li yog Yexus cov tug thwjtim, nws yog nej tes dejnum uas nej yuav tsum mus maub lwm tus los ua tus Tswv cov thwjtim.

 

Nej yuav mus ua li cas rau lawv es lawv thiaj li yuav los ua tau tus Tswv cov thwjtim?

 

·        Tswv Yexus hais tias, “muab lawv ua kevcai ntxuav rau ntawm Leejtxiv thiab Leejtub thiab Ntsujplig tus dawbhuv lub name; thiab cobqhia kom lawv coj raws li txhuayam uas Kuv twb qhia rau nej lawm.”

 

Thaum nej mus ua li tes dejnum no, nej mus nejj ib leej xwb lov?

 

·        Tsis yog, “Tsheej xeeb thiag, Kuv yeej yuav nrog nej nyob mus txog hnub lub sijhawm.”

 

Tseeb tiag, peb yeej yuav tsum tau mus ua raws li tus Tswv tau samhwm rau peb lawm. 

 

Tiamsis, yog koj mus tsis tau vim koj muaj mob, muaj nkeeg, los yog vim koj lub hnub noog tsis pub koj mus, ces koj yuav tsum mus tau dhau los ntawm koj txoj kev thov Vajtswv pab thiab hais lus txhawb zog rau cov ua mus tau. 

 

Tiamsis, yog koj mus tsis tau vim koj tsis muaj sijhawm, los yog koj txoj haujlwm tsis pub koj mus, los yog muaj lwm yam tab kaum koj, ces yog yeej yuav tsum mus tau dhau los ntawm muab koj tej nyiaj tuaj mus pab rau cov uas mus tau. 

 

Peb cia li qhuas Vajtswv rau qhov uas Nws hu peb los koom nrog nws sib raug zoo.

 

Peb cia li ua Nws tsaug rau tej hauvlwm uas nws pub rau peb ua.

 

Peb cia li thov Nws kom Nws muab lub peevxwm rau peb mus ua tau tej dejnum raws li nws tau muab rau peb lawm cheem thaum tseem kaj ntug.

 

Thaum kawg no, peb rov los mloog Tswv Yexus cov lus samhwm rau peb:

“Yog li mus thiab muab txhuav haivneeg los ua thwjtim, ua kevcai ntxuav rau ntawm Leejtxiv thiab Leejtub thiab Ntsujplig tus dawbhuv lub name; thiab cobqhia kom lawv coj raws li txhuayam uas Kuv twb qhia rau nej lawm; tseeb tiag, Kuv yeej nrog nej nyob mus txog thaum lub ncai nyoog kawg.”  Asmees. 

Thov Vajtswv txoj kev thajyeeb nyabxeeb pab kom nej lub siab thiab kev xav yuav nyob raus rau ntawm Tswv Yexus Khestos.  Ua li.