Cov ntseeg yuav tsum nyob sib haumxeeb

1 Khauleethaus 1:10-17

Dr. Fungchatou Lo

 

 

 

Greetings: 

Thov Vajtswv foom koobhmoov rau nej thiab thov Nws txojkev haumxeeb los kav nej txhua tus lub siab ntawm Tswv Yexus lub npe.  Asmees.

 

Text:  1 Khauleethaus 1:10

 

Cov kwvtij kuv tuav peb tug Tswv Yexus Khetos lub npe ntuag mej suavdlawg, kuas mej has tej lug kws ua rua suavdlawg nyob sis hum txhaj tsi ua rua mej tawg ua paab ua pawg.  Mej yuavtsum koom ua ib lub sab, xaav ib yaam hab muaj ib lub homphaj xwb.   

 

Prayer:

 

1.       Introduction:

Vajtswv txoj lus hnub no yog hais txog kom cov ntseeg yuav tsum nyob sib haumxeeb.

 

Vajtswv txoj lus nyob rau hauv 1 Khauleethaus 1, kuj tsis qhia rau peb hais tias yog vim lis cas cov ntseeg thiaj li tsis si haumxeeb. 

 

Tabsis, Nws qhia rau peb paub hais tias, Thaum lawv sib ceg muaj ib tug ntseeg txawj cia li hais tias

·        nws yog Povlauj pab,

·        ib tug haistias lawv yog Apollos pab,

·        ib tug haistias lawv yog Petus pab,

·        thiab ib tug haistias lawv yog Khetos pab.

 

Yog li ho, thaum Xibhwb Povlauj hnov toj tej kev tsis sib haumxeeb nod lawm, nws thiaj li sau tsab ntawv no moog ntuas kom cov ntseeg nyob hauv Khauleethaus yuav tsum sib haumxeeb,

 

kom sawvdaws tsis txhob sib cais ua pab ua pawg, tiamsis sawvdaws yuav tsum muaj kev koom siab koom ntsws (perfectly united in mind and thought).

 

Xibhwb Povlaj ntuas lawv tias lawv yuav tsum paub haistias lawv sawvdaws yog cov ntseeg Khetos. 

 

Khetos yeej tsis sib cais. 

 

Lawv yog ib tsevneeg thiab ib pab xwb. 

 

Txawm yog tus twg muab lawv ua kevcai ntxuav los tsis tau txhais haistias lawv ntseeg tus ntawd. 

 

Sawvdaws yog cov ntseeg Khetos.  Yog li ntawv sawvdaws yuav tsum nyob sib haum thiab muaj kev koom siab koom ntsws ua ke.

 

Peb Hmoob:

 

Jerry Danniel, has tas, Nyob rau ntawm Hmoob, muaj ib qho uas ua rau peb Hmoob tsis muaj kev sib haumxeeb.  Qhov ntawd yog peb Hmoob lub “Xeem”. 

 

Vim Hmoob lub Xeem muab Hmoob cais ua pab ua pawg. 

 

Thaum Hmoob sib ntsib kiag xwb, Hmoob xub nug saib seb tug uas yus ntsib ntawv lub npe lub liscas thiab lub Xeem yog dabtsi.

·        koj yog pawg twg, koj yog pab twg?

·        dabqhua yog zoo li cas?


Thaum peb nug tej no tas ces yog nws tsis teb txawv dua li yus, ces yus yuav haistias koj tsis txheeb kuv.  Qhov no twb sib ncais lawm.

 

Qhov zoo, peb yuav tsum ncu ntsoov haistias peb sawvdaws yog Hmoob, es thaum peb sib ntsib ntawd peb tsis txhob nug yam ub yam no ntau ntau saib seb peb puas sib txheeb; tabsis peb los nug txog

·        lub npe-- kom peb paub sib hu

·        lub xeem-- kom peb paub sib yuav

·        peb nug kev noj kev haus—kom peb paub sib pab hab sib hlub xwb.

 

Yog peb coj li no, cem peb lub “Xeem” yuav tsis muab cais, peb thiaj li yuav sib humxeeb,

 

3.       Peb cov ntseeg tamsim no yuav tau sib haum:
Tej teebmeem zoo li no kuj muaj nyob rau cov ntseeg tiam no ib yam nkaus. 

 

Thaum peb mus ntsib ib tug ntseeg Vajtswv uas yuas tsis tau paub nws li, es nws qhia rau yus hais tias, nws yogi b tug ntseeg Vajtswv thiab.

 

Thaum ntawd, peb yeej nug nws hais tias, nws ntseeg Vajtswv nyob rau pawg ntseeg twg.

 

Yog nws teb yus es nws pawg ntseeg tsis yog yus pawg lawm ces yus cia li xav txawv rau nws lawm.

 

Tej zaum, yus yuav xav hais tias,

·        Lawv pawg ntawv tsis yog ntseeg Vajtswv

·        Lawv pawg ntawd ntseeg Vajtswv coj kevcai nruj dhau yws

·        Lawv pawg ntseeg ntawd ntseeg Vajtswv coj kevcai xoob dhau yeej.

·        Lawv pawg ntseeg ntawd tsis tau Vajntsujplig

·        Lawv pawg ntseeg ntawd hais lus txawv heev.

 

Yog peb xav li no, nws yeej tsis txhaum.  Tabsis nws yuav muab peb sib cais lawm. 

 

Vim tej zaum yeej muaj ntseeb hais tias lawv pawg ntseeg ntawd yeej coj li yus tau xa tiag thiab.

 

Tabsis qhov uas peb yuav ua txaum mam yog thaum peb xav li hov, ces peb cia li thuam pawg ntseeg ntawd hais tias lawv tsis ntseeg Vajtswv, txhawm hais tias lawv ntseeg Vajtswv uas yog Vajleetjtxiv, Vajleejtub thiab Vajntsujlig tus dawb huv los peb tseem hastas lawv tsis yog peb cov ntseeg hab.

 

Thaum peb thiab lawv sib thaum zoo li nod, peb tsis muaj kev sib pab.  Qhov no yog kev txhaum loj nyob rau hauv cov ntseeg Vajtswv.

 

What is the main mission of CMA?   

·        To make disciples for Christ.

 

What is the main mission of Southern Baptist?

·        To make disciples for Christ.

 

What is the main mission of Methodist? 

·        To make disciples for Christ.

 

What is the main mission of Lutherans? 

·        To make disciples for Christ.

 

Txawm hais tias peb cov ntseeg nyias muaj nyias denomination los tsis tau txhais hais tias peb ua kevcai ntxhuav hauv pawg ntseeg twg ces peb ntseeg tus uas tsim pawg ntseeg hov.

 

Tsis tau txhais hais tag, yog peb ua kevcai ntxhuav nyob rau hauv Lutheran ces peb ntseeg Luther.

 

Tsis tau txhais hais tias, yog lawv ua kevcai ntxhuav nyob rau hauv CMA los yog Baptist, ces lawv ntseeg John Calvin.

 

Tsis tau txhais hais tias, yog lawv ua kevcai ntxhuav nyob rau hauv Methodist—ces lawv ntseeg John Wesley. 

 

Txawm peb ua kevcai ntxhuav nyob rau pawg ntseeg twg los peb sawvdaws yeej ua kevcai ntxhuav rau hauv Vajtswv lub npe.

 

Peb sawvdaws yeej kom nrog Vajleejtxiv, Vajleejtub, thiab Vajntsujplig ua kev.

 

Ces peb txhua tug yeej ua haujlwm rau Khetos, nrog Kehtos, thiab nyob rau hauv Khetos xwb.(We all are working for Christ, with Christ, and In Christ.)

 

Yog li ntawd, peb cia li zoo siab thiab ua Vajtswv tsaug thaum peb pom hais tias lwm pawg ntseeg lawv muaj tswvcuab coob.

 

Thaum peb ho pom tej pawg ntseeg twg tsawg, peb cia li thov Vajtswv pab kom lawv yuav muaj neeg los koom lawv hawv Vajtswv coob ntxiv.

 

Peb yuav tsum tsis txhob mus ntxhias tus uas twb neeg Vajtswv nyob rau ib pawg ntseeg twg lawm los koom xeeb nrog peb.  Lwm pawg ntseeg los yuav tsum tsis txhob tuaj ntxhias peb cov tswv cuab ib tug twg mus koom xeeb ua lawv tswvcuab.  Vim peb sawvdaws twb yog ib tsev neeg rau ntawm Vajtswv lawm.

 

Nws yog ib qho ke txhaum loj yog hais tias peb tsuams mus coj cov uas ntseeg los nrog xeeb nrog peb hawm Vajtswv xwb; vim hais tias “Tswv Yexus los nrhiav thiab cawm cov uas ploj lawm” xwb.  Nws tsis yog los nrhiav thiab cawm cov uas twb nrhiav tau lawm. 

 

Yog li ntawd, thaum nej ntsib ib tug ntseeg Vajtswv twg, neej tsis txhob yaum kom nws los koom ua tswvcuab hauv nej lwb church.  Tiamais nej yuav tsum txhawb kom nws kavtsij rau siab ntso thaib nco ntsoov mus hawv Vajtswv to nws lub church xwb. 

 

Yog li ntawd, peb tsis txhob muab denominations coj los saib ua ib qho kev cai peb thiab tsis zoo.  Tiamsis peb yuav tsum saib denominations ua ib txoj kev rub kom tau coob tus neeg los koom ua Vajtswv cov me nyuam xwb.

 

Nyob rau peb pawg ntseeg LCMS no peb muaj ib los lus zoo heev.  Peb los lus ntawd yog “Synod”.  Syndo ntxhais tau hais tias “thaum kev ua ke” los yog “walk together”.

 

Peb yeej xav kom muaj neeg coob los tswvcuab rau hauv peb, tiamsis tus uas yog los koom peb ntawd nws yuav tsum txaus siab los koom nrog peb “thaum ib txoj kev ua ke”.  Txais tau hais tias, nws yuav tsum txaus siab los kawm thiab ntseeg Vajtswv li peb qhia.  Thiab koj raws li peb txoj cai tswjfwm nyob rau hauv peb pawg ntseeg. 

 

Peb yuav tsis kam hloov los yog txo peb txhoj kev kawm los yog kev ntseeg Vajtswv los phim nws.  Yog nws tsis kam los coj thiab ntseeg Vajtswv li peb qhia, peb yuav pab nws mus hawm Vajtswv rau lwm pawg ntseeg.  Tiamsis, nws kuj tseem yog peb cov kwvtij rau ntawv Tswv Yexus thiab yog hais tias nws ntseeg hais tias Tswv Yexus yog Vajtswv leejtub, thiab yog nws tus cawmseej.

 

Nyob rau hauv ib pawg ntseeg uas peb hu hais tias “congregation” los kuj yuav tsum muaj keev sib haum xeeb.  Vim hais tais los lus “congregate” twb yog ntxhais tias “Los koom ua ke”.

 

Yog li ntawd, cov los koom ua kev mas yuav tsum yog coj thiab ntseeg ib yam xwb.  Lawv yuav tsum sib hlub thiab sib pab kom lawv sawvdaws loj hlob nyob rau ntawv txoj kev ntseeg, thiab rau ntawm Vatjswv txoj kev hlub.

 

Ib leeg yuav tsum thov Vajtswv rau ib leeg.  Ib leeg yauv tsum txhawb ib leeg kom nco ntsoov tuaj kawm Vajtswv txojlus thiab hawm Vajtswv. 

 

Sawvdaws yuav tsum sib pab ua Vajtswv tej dejnum tsis mus tshaj Vajtswv txoj lus los yog ua dejnum pab pawg ntseeg nyob rau tom church.

 

Nws yog kev txhaum yog hais tias nyob rau hauv nej pawg ntseeg es koj pheej yog tus ua ua haujlwm heev tshaj rau cov tswvcuab.  Txoj haujlwm tus los yog koj ua xwb.  Nws yog kev txhaum vim hais tais, koj muaj ntau txoj haujlwm ua ces koj yuav ua tsis tau zoo thiab koj yuav cem los yog xav hais tias lwm tus tsis pab koj li.  Thaum koj xav los yog hais li no ces yog koj ua txhaum.

 

Hos yog koj host sis kam ua haujlwm pab pawg ntseeg kiag li, los nws kuj yog txhaum thiab.  Thaum twg cov ntseeg thov koj ua haujlwm pab pawg ntseeg mas koj yeej keb li ub li no, ces qhov no yog koj tsis xav ua Vajtswv tes dejnum li Vajtswv tau hu koj.

 

Peb pom haistias yog:

·        pawg-ntseeg twg,

·        ib tus ntseeg twg,

·        losyog tus Xibhwb twg coj li no mas yeej muaj teebmeem thiab ua rau sawvdaw tsis sib haum.

 

Hnub no Vajtswv Txojlus ntuas kom peb nyob sib haum. 

 

Vajtswv Txojlus ntuas kom peb muaj kev koom siab koom ntsws. 

 

Peb yuav tau nco ntsoov haistias cov ntseeg Yexus Khetos yog ib tsevneeg. 

 

Txhawj nej tsis muaj Xibhwb Hmoob, los twb muaj kuv thiab Xibhwb Tsav Toj.  Nws yeej yog neej ob tug xibhwb ib yam nkauj.  Yog xav tau kev pab li cas los cia li hais rau wb paub xwb.  

 

Vajtswv hais kom yuav tau:

·        sib txhawb zog,

·        sib hlub thiab sib pab,

vim haistias peb yeej yog ib tsevneeg rau ntawm Vajtswv.

 

Txhua yam dejnum peb yuav ua rau pawg--ntseeg losyog tej lus peb yuav hais rau cov ntseeg--peb yuav tau ua thiab hais kom txhawb pawg-ntseeg xwb. 

 

Vajtswv tsim peb sawvdaws nyias yeej muaj nyias ib lub siab thiab tswvyim, tiamsis Vajtswv tsim peb li no kom peb muab peb tej tswvyim thiab lub siab los ua haujlwm uake. 

 

Tsis yog Vajtswv tsim peb ibleeg txawv ibleeg kom peb sib ceg thiab tawg ua pab ua pawg. 

 

Vajtswv txwv kev tawg ua pab ua pawg thiab kev tsis sib koomsiab ntawm cov ntseeg.

 

Yog le hov, Tswv Yexus txhaj le thov Vajtswv hastas, “Kuv thov Koj paab kom puab ua tau ib lub sab.  Txiv es, kuv xaav kom puab nrug wb koom ib txujsa, ib yaam le Koj hab kuv wb koom ib txujsa.” (John 17:21)

 

4.       Lus xaus:
Cov kwvtij ntseeg txhua tus, peb yog ib tsevneeg tiag tiag. 

 

Peb sawvdaws yog Vajtswv cov menyuam. 

 

Vajtswv tus Tub cov ntshav tau ntxuav peb tej kev txhaum lawm. 

 

Nimno peb yog neeg dawbhuv thiab yog neeg zoo kawg nkaus rau ntawm Vajtswv. 

 

Vajtswv hais kom peb ua peb lub neej muaj kev koom siab koom ntsws. 

 

Peb yuav tau mloog Vajtswv lus, peb thiaj yuav tau Vajtswv tej koobhmoov.

Yuav ua li cas peb thiaj ua tau raws li Vajtswv hais? 

 

Ntawm peb tus kheej, peb yeej ua tsis tau. 

 

Tiamsis Vajtswv yuav ua tau rau peb. 

 

Peb txhua tus yuav tau kawm Vajtswv tej lus tiag tiag, Vajtswv Txojlus yuav ua dejnum nyob hauv peb lub siab lub ntsws. 

 

Vajtswv Txojlus yuav muab txojkev koom siab koom ntsws rau peb thiab yuav muab kev haumxeb rau peb. 

 

Vajtswv Txojlus haistias yeej tsis muaj ib yam dabtsi Vajtswv yuav ua tsis tau., Nws yeej ua tau txhua yam.

 

Yog li, peb yuav tau nquag kawm Vajtswv Txojlus, thiab cia Vajtswv Txojlus ua dejnum hauv peb lub siab kom peb muaj kev koom siab koom ntsws ua Vajtswv tej dejnum

 

thiab pab kom peb yuav ua tau ib tsevneeg tseem ceeb kawg nkaus tiag rau Vajtswv. 

 

Thov Vajtswv txojkev haumxeeb  los kav nej txhua tus lub siab rau ntawm Tswv Yexus lub npe.  Asmees.