Yaxayas 49:1-6; 1 Kauleethaus 1:1-9;

Yauhaas 1:29-41

Tus sau:  Xibfwb Faivneng Her

 

Nyeem Vaajtswv Txujlug: John 1:29 The next day John saw Jesus coming toward him and said, "Look, the Lamb of God,”

Thov Vaajtswv: Thov kuas peb tug Vaajtswv txuj kev humxeeb, kev hlub, hab kev zoo nrug mej txhua tug, Amen.

 

I.          Lub limtam nuav yog lub limtam 3 ntawm lub xyoo 2005.  Peb tub nyob rua lub xyoo tshab nuav lawm.  Peb yuav tau pib dlua lub sab tshab ua lub neej tshab rua lub xyoo txhab.  Ua lub neej tshab yog peb xyum ua yaam zoo hab qhov zoo rua lub xyoo tshab kws yog paub has tas peb muaj Vaajtswv, muaj tej nomtswv, muaj nam muaj txiv, muaj tej laug & tej hlub yug.  Peb yuav tau fwm cov tuabneeg nuav rua lub xyoo 2005.

Peb moob muab npua (tsaj) lug theej txhoj.   Vaaj Lugkub qub – Cov Jews muab mivnyuas yaaj lug theej kev txhum.  Tswv Yexus yog Vaajtswv tug mivnyuas yaaj kws txhwv lub nplajteb nuav.

 

II.         Txuj Moozoo nub nuav qha rua peb has tas, “nub tom qaab puab tuaj nrugYauhaas nyob puab pum Yexus. Yexus lug rua ntawm Yauhaas.  Yauhaas has qha rua cov tuabneeg ntawd has tas mej sim saib. ‘Vaajtswv tug mivnyuas yaaj’ kws lug dlaw nplajteb nuav lub txim txhum.  Nwg muaj fwjchim luj tshaaj kuv.”  Kuv muab tuabneeg ua kev cai rausdlej (yug dlua Tshab).  Nwg yuav muab tuabneeg rau huv Vaajntsujplig tug Dlawb huv.           Kuv qha rua mej has tas nwg yog “Vaajtswv Leejtub”.

 

Nub tom qaab Yexus lug dlau ntawm puab moog.  Yauhaas rov qaab has tas saiblau tug nuav yog Vaajtswv tug mivnyuas yaaj.  Yauhaas muaj ob tug thwjtim txawm lawv Yexus qaab moog.  Thaum Yexus pum ob tug, Yexus nug ob tug has tas meb xaav tau dlaab tsi? Ob txawm nug Yexus has tas Xwbfwb koj yuav su hov twg?  Yexus has tas lawv kuv qaab mej yuav pum.

Ob tug thwjtim nuav, rov qaablug hab lug qha rua tej tuabneeg has tas.  Peb tau pum tug Cawmseej lawm - Yexus yog tug Cawmseej – Khevto (messiah).

 

III.       Cov kwvtijt xhua tug, peb yog Vajtswv cov mivnyuas.  Nwg tub paab peb dlim lawm.  peb yuav tau tuaj kawm nwg txujlug hab pehawm nwg.  Nwg yog Vaajtswv Leejtub tug coj peb lug cuag Leejtxiv – tug kws yog Vaajtswv – tug tsim lub ntuj tsim lub nplajteb.

 

Xyoo tshab nuav cas peb ca Vajtswv Txujlug kaav peb lub sab hab qha peb ua neej.  Peb txha muaj lub neej zoo kawg nkaus lawv le Vajtswv has.  Peb lub neej ntawd yuav qha rua tuabneeg paub hastas Yexus yog Vaajtswv tug Cawmseej. Nwg yog Vaajtswv tug mivnyuas yaaj.  Yog tug kws txhwv nplajteb tej kev txhum.  Peb ca ke noog Tswv Yexus lug rua lub xyoo tshab nuav, peb yuav tau Nwg le koob moov rua xyoo tshab!

 

IV.       Nwg tau muab peb ua kev cai yug dluastshab huv Vaajtswv tug Ntsujplig kws dlawbhuv.   Peb tau Vaajtswv tug Ntsujplig kws Dlawbhuv lawm peb yuav tau coj moog qha rua lwm tug kuas lwm tug tau paub txuj moozoo hab lug ua kev yug dluatshab tuabyaam le peb hab.  Puab txha paub txuj kev zoosab.

 

Ncu ntsoov has tas Yexus yog Vaajtswv tug mivnyuas yaaj,  Yexus yog Vaajtswv Leejtub, yog tug muab peb yug dluatshab zag ob huv Vaaj Ntsujplig lug ua Dlawbhuv, Amen

 

Qha mivnyuas: Jexus is the lamb of God, the son of God & He is the Christ - Messiah.