Pawg-ntseeg yuav saablaaj le caag?

1. Kev saablaaj huv Pawg-ntseeg muaj peb yaam: Ib, cov thawjcoj (cov tuav dlejnum) saablaaj; ob, taagnrho cov ntseeg kws noj tau Vaajtswv Rooj Mov saablaaj; peb, tej paab ua dlejnum puab saablaj. Saablaaj ib lub hli ib zag yog qhov zoo, tabsis nyob ntawd Pawg-ntseeg pum zoo.

2. Cov thawjcoj (cov tuav dlejnum saablaaj):
a. Tug xibfwb losyog tug thawj tswjrooj thov Vaajtswv qheb lub rooj saablaaj

b. Has kuas cov tuav dlejnum has puab tej dlejnum saib moog le caag

c. Thaum yuav txavtxim sab ua ib yaam dlaabtsi sawv cev Pawg-ntseeg, cov coob pum zoo ua le caag, suavdlawg ca le yuav le hov yog hastas yam dlejnum ntawd tsi tawmtsaam Vaajtswv Txujlug hab yog yuav txhawb Pawg-ntseeg

d. Ncu ntsoov muab tej dlejnum sis thaam sau rua huv ntaub ntawv kuas lwm zag txha paub hastas tau thaam dlaabtsi hab tej dlejnum moog le caag. Ncu ntsoov muab cov ntaub ntawv sau ca nuav faib rua cov tuav dlejnum txhua tug kuas ib leeg muaj ib dlaim qauv tseg ca

e. Thaum thaam taag lawm tsi txhob coj moog pa rua saab nrau losyog coj moog has tsi zoo

f. Txhua tug tuav dlejnum nyag ncu ntsoov ua nyag teg dlenum

g. Thaum saablaaj taag, Xibfwb losyog tus thawj tswjrooj thov Vaajtswv kaw lub rooj saablaaj xaus

3. Taagnrho cov ntseeg saablaaj:
a. Ua ib yaam nkaus le kws #2 hab, tabsis zag nuav cas Xibfwb losyog tus thawj tsaavxwm thov Vaajtswv qheb lub rooj saablaaj

b. Cov tuav dlejnum lug qha puab tej dlejnum. Yog muaj lug xaav sis thaam txug tej dlejnum nuav, suavdlawg sis thaam

c. Yog muaj dlejnum tshab losyog lug tshaajtawm yuav qha rua suavdlawg paub, has lub sijhawm nuav es suavdlawg sis thaam saib yuav ua le caag

d. Thaum thaam txug tas yuav ua ib yaam dlejnum dlaabtsi rua Pawg-ntseeg, ncu ntsoov ua lawv le kws cov coob pum zoo yog hastas yaam dlejnum ntawd tsis tawmtsaam Vaajtswv Txujlug

e. Thaum saablaaj taag, ca Xibfwb losyog tug thawj tsaavxwm thov Vaajtswv kaw lub rooj saablaaj

4. Tej paab saablaaj:
a. Ua ib yaam nkaus le kws tau has lug lawm saud hab. Yog Xibfwb tuaj koom tau, ca Xibfwb thov Vaajtswv losyog tus thawj ntawd tej paab thov Vaajtswv qheb lub rooj saablaaj los tau

b. Thaam txug tej dlejnum saib tau ua moog le caag lawm

c. Yog muaj dlejnum yuav tau hloov, ua ntxiv losyog ua tshab, suavdlawg yuav tau sis thaam hab cov coob pum zoo le caag ca ua le ntawd

d. Tej paab, nyag yuav tau npaaj ib cov dlejnum rua nyag paab ua paab Pawg-ntseeg moog txug lwm lub rooj saablaaj

e. Thaum saablaaj taag, thov Vaajtswv kaw lub rooj saablaaj ua ntej moog tsev