Sermon
Xf. Dr. Numlaajtsheb
Yaaj
“Nrog Kuv Mus”
Third Sunday after
the Epiphany
St. Michael and Our
1-27-08
Thov txoj koob txojhmoov thiab txojkev kajsiab lug pub rau sawvdaws los
ntawm Vajtswv uas yog peb Leejtxiv uas yog peb tus Cawmseej Tswv Yexus Khetos.
Asmees.
Mathais
4:18-22 “Thaum Yexus tabtom taug ntug dej Hiavtxwv Kalilais, nws pom ob kwvtij
uas yog, Ximoos (tus uas hu ua Petus) thiab nws tus kwv Adales, nkawd tabtom
muab vas ntaus ntses hauv hiavtxwv. Yexus hais rau nkawd haistias, “
Illustration: “Fishing”
Yog thaum twg koj mus nuv ntse koj yuav tsum npaj: Fishing pole and line,
Tackle box (hook, sinker, float, cutter, extra line, auto ficial bait) worm,
and others as needed. Thawj zaug uas koj mus nuv ntse, koj yuav tsum nrog lwm
tus mus koj thiaj li paub. Nuv ntse yog ib yam uas koj yuav tsum kawm, xyaum,
thiab txawj lawm koj thiaj li nuv tau ntse.
I. Nyob rau ntawm peb Txojmoo Zoo Yexus hais kom peb txhua tus yuav tsum nrog Yexus mus. Saib thaum Yexus hu Peter, Andrew, James and John, lawv cia li tso plhuav ib puas tsavyam nrog Yexus mus lawm. Koj thiab kuv ne, yog Yexus hu koj, koj puas yuav ua tau li Yexus cov thwjtim no thiab? Yog koj yuav nrog Yexus mus thiab ua lub neej li Nws ua ntshe yuav tsis yooj yim rau hauv koj lub neej. Tiamsis Yexus yuav ua rau koj tau txoj kev kaj siab lug, thiab koj yuav zoo siab hlo tias koj yog nws tug. Tswv Yexus yeej xav kom peb txhua tus yog nws tug, kom peb muaj txoj kev sib raug zoo nrog nws, Nws thiaj li haistias, “Nrog Kuv Mus.”
Thaum Yexus hais rau cov thwjtim, lawv yog tibneeg nrhiav ntse xwb. Tiamsis Yexus hais rau lawv tias txij no mus nej tsis yog nhriav ntse tiamsis nej yuav yog nhriav tibneeg. Lawv tsis yog yuav muab lawv lub vas pov rau hauv havdej ntes kom tau ntse tiamsis txij no lawv yuav pov lawv lub vas yog qhia Txojmoo Zoo rau tibneeg ntiajteb txog txojkev cawmdim kom tibneeg tau mus ntuj ceebtsheej.
Peter “Petus,” Andrew “Adales,” James “Yakaunpaus,” and John “Yauhas” no twb tsis yog tibneeg txawj neeg ntse. Yexus twb tsis tau kom lawv yuav tsum mus kawm kom txawj tso Yexus mam li yuav lawv los ua nws cov thwjtim. Yexus mam li ua tus qhia lawv. Yexus yuav qhia txog tej txujci tseemceeb uas nws yuav ua rau lawv pom. Yexus yuav pub Vajntsujplig Dawbhuv rau lawv kom lawv ua tau Vajtswv tes dejnum. Qhov tseemceeb xubthawj yog nws pub lawv muaj txojkev ntseeg Yexus tias nws yog lawv tus Cawmseej. Lawv yuav paub tias Yexus yog tus theej ntiajteb lub txim. Lawv ntseeg tias Yexus yog tus uas Vajtswv coglus tseg tias Yexus yog tus los pub txojsia mus ibtxhis. Lawv ntseeg thiab cia siab rau Yexus ua lawv tus Cawmseej. Yog li ntawd tus Cawmseej no thiaj li caw kom lawv los pab nws ua tes dejnum tseemceeb rau ntawm Txojmoo Zoo.
Tswv
Yexus hais los lus “Nrog kuv mus” ntaus zaug hauv nws lub neej. Thaum Yexus
ntsib Mathais tus neeg sau se, Mt. 9:9 Yexus haistias, “Nrog kuv mus”.
Mathais tso plhuav ib puas tsavyam
los nrog Yexus mus, los mus ua Yexus tus thwjtim.
Yexus
hais ntaus zaug rau txhua leej txhua tus uas nws tau ntsib thiab pom. “Nrog Kuv
Mus. Los ua kuv tus thwjtim. Nyob li kuv
nyob. Kawm ntawm kuv. Nrog kuv taug kev uake.”
II. Peb ua tibzoo saib cov thwjtim tsis yog los mus nrhiav Yexus. Lawv tseem nhriav ntse tiamsis Yexus yog tus los nrhiav lawv. Yauhas 15:16 sau tias, “Koj tsis yog xaiv kuv, tiamsis kuv xaiv koj thiab cia koj mus tawg paj txi tau txiv.” Dr. Martin txhais li no: “Kuv ntseeg tias, los ntawm kuv txojkev xaiv thiab xav ntseeg Yexus Khetos, kuv tus Tswv kuv yeej ua tsis tau li thiab mus tsis tau rau ntawm nws.” Vim peb txojkev txhaum tsis pub peb mus nrhiav tau Yexus. Peb txojkev txhaum tsuas coj peb mus rau txojkev tuag thiab ntujtawg teb xwb. Peb ces tsuas yog nyob rau txojkev tsaus ntuj nti thiab mus mus los los rau txojkev txhaum thiab yeej nrhiav tsis tau qhov kaj li yog tsis muaj Yexus Khetos.
Tiamsis Yexus txojkev hlub los nrhiav tau koj thiab tau kuv. Tswv Yexus Khetos hu peb txhua tus los nrog nws mus uake. Nws xav kom peb los ua tus neeg dawbhuv thiab ncajncees. Qhov no qhia tau tias peb thiaj li yog cov nrog Yexus mus. Tiamsis lub ntiajteb no muaj ntaus yam kev dagntxias kom peb nrog lwmtus mus heevtshaj li nrog Yexus mus. Peb Hmoob xum ntseeg tej tibneeg xws li: cov saib yaig, hu plig, ua neeb ntaus dua li Vajtswv. Peb Hmoob muab tej no saib muaj nuj nqi dua rau hauv lawv lub neej. Nov yog cov xum nrog lwm tus mus ntau duas li Vajtswv. Hnub no koj puas nrog Yexus mus?
Peb yog cov ntseeg Vajtswv, peb txhua tus yuav raug ntxias los ntawm khoom ntiajteb kom peb tsis txhob nrog Yexus mus. Peb yuav raug dagntxias kom peb muab lwmyam ua ntej Tswv Yexus Khetos. Peb yuav muab nyiaj txiag, kev lomzem, kev plees kev yig, kev uasis ua ntej. Tswv Yexus Khetos tsi yog tus #1 hauv peb lub neej lawm. Niaj hnub nimno Yexus hu kom sawvdaws los nrog nws mus los tibneeg lub siab tseem nyob rau lwm qhov uas yog txojkev txhaum. Tibneeg lam nrhiav tswvyim los mus haistias lawv tsi muaj sijhawm los nrog Yexus mus tiamsis lawv muaj sijhawm ua lwm yam ua ntej. Yexus ib tus thwjtim hais ntawm Mathais. 8:21 “Thov kuv mus faus kuv txiv tso kuv mam li nrog koj mus.” Rov muaj dua ib tus txivneej haistias Lukas 9:61-62 “Kuv nrog koj mus, tiamsis cia kuv mus hais rau kuv tsevneeg paub tso.” Yexus hais rau tus ntawd haistias, yog leejtwg tabtom muab khais pib laij liag, tiamsis nws pheej tig ntsia rov tomqab, tsis zoo kom tus ntawd mus qhia zaj uas haistias, Vajtswv yuav los kav neeg lub siab.” Nej sim saib, faus nws txiv, mus hais tsevneeg paub tso - Tej no tsua yog lam hais losyog siv tswvyim “excuses” kom lawv tsis txhob tau nrog Yexus mus xwb.
Peb tibneeg ntiajteb los make excuses li no thiab. Vajtswv hu kom peb los nrog nws mus tiamsis peb too busy “tsi khoom kiag li.” Peb muaj ntaus yam ua. Tej zaum peb tsua muaj ib xuaj moo (1 hrs.) Tuaj ib vaasthiv xwb. Ntau zaug peb haistias, “peb tsua muaj 1 hrs. xwb tsis txhob khaiv peb ntxiv lawm.” Yexus tsis yog hu nws cov thwjtim los mus ua ib nrab tes dejnum “Part-time” xwb tiamsis yog hu lawv los mus ua puvnpo “Full-time.” Vajtswv hu koj thiab kuv los zoo ib yam li no thiab. Peb tsis yog part-time tus ntseeg xwb. Nws tsis yog kom peb txi tau txiv rau hnub Sunday xwb, tiamsis nws kom peb yuav tsum nrog nws mus 24 hrs. 7 days per week, txhua lub sijhawm hauv peb lub neej.
Peb yuav ua li cas peb thiaj nrog Yexus mus tau? Saib Yexus cov thwjtim, lawv twb tsis txawj tsis ntse tias lawv yuav ua tau Vajtswv tes dejnum. Peb los twb tsis txawj tsis ntse yuav ua tau Vajtswv tes dejnum thiab. Lawv twb tsis ntxim ua Yexus cov thwjtim. Peb los twb tsis ntxim ua nws cov tubtxib thiab. Tiamsis los ntawm Vajtswv lub siab hlub, Vajtswv pub thiab hu peb txhua tus los ua Vajtswv cov menyuam thiab pub lub hwjchim rau peb mus ua tau nws tes dejnum thiab ua tau nws cov tubtxib mus qhia Txojmoo Zoo rau tibneeg ntiajteb.
III. Txojmoo zoo hnub no qhia ncaj nraim rau hauv tibneeg lub siab. Peb zoo siab tias peb tus Cawmseej los raug kev tsimtxom rau peb, tiamsis peb tsi kam raug kev tsimtxom rau nws. Peb zoo siab tias Tswv Yexus Khetos muab txhua yam pub rau peb ua peb suav tsis txheeb, tiamsis peb tsua muab me me rov rau nws xwb. Peb zoo siab tias nws taug kev mus tuag saum tus ntoo khaublig theej peb lub txim, tiamsis peb tseem pheej xav saib peb yuav nrog nws mus los tsis nrog. Peb tseem daig nyob rau nruab nrab, tsis paub yuav tig rau tog twg, thiab peb ntshai heev vim peb lub neej tsis zoo li peb xav. Nej sim xav saib puas yog peb tseem tsi tau xav nrog Yexus mus tiag tiag?
Peb tus Cawmseej Yexus Khetos hu koj thiab kuv los mus ua nws tus tubtxib. Thaum peb nyeem Txojmoo Zoo hnub no, peb tsis totaub tias ua li cas cov thwjtim no thiaj li tso plhuav txhua yam es nrog Yexus mus?
Thaum St. Michael thiab Our Savior Lutheran Church hu kuv los ua xibhwb rau pawg ntseeg Hmoob. Kuv puas ntxim los mus ua tes dejnum nov? No! Kuv puas yuav xav tias Vajtswv yuav npaj tes dejnum no rau kuv? No! Ntau zaug kuv muab saib los kuv muaj ntsiv zoo sisthooj li Mauxes. Thaum Vajtswv hu Mauxes mus tso nws haivneeg tim Iziv tebchaws, Mauxes tsis kam ua tes dejnum ntawd. Thaum kuv loj hlob, kuv pheej tsis kam ua Vajtswv tes dejnum thiab. Hauv kuv lub neej, kuv xum mus ua Tub ceevxwb “Police Officer,” Tus xwj tibneeg,” “Investigator” thiab tswv ntawm lagluam “business owner.” Tiamsis txawm kuv yuav ua ntau yam los thaum Vajtswv hu kuv lawm kuv thiaj lit so txhua yam los nrog nws mus. Tibneeg coob leej ntau tus mloog kuv tias, “Ua li cas koj los ua xibhwb?” Kuv teb tias, “Vajtswv hu kom kuv nrog nws mus – Jesus said ‘Come follow me.’” Nov zoo sisthooj li thaum Yexus hu nws cov thwjtim los mus ua nws tes dejnum tagnrho hauv lawv lub neej. Lawv paub tias Yexus yog lawv tus Cawmseej. Kuv paub tias Yexus yog kuv tus Cawmseej. Kuv tsis txawj tsis ntse thiab kuv yog tus tibneeg txhaum. Kuv yeej tsis ntxim los ua Vajtswv tes dejnum li tiamsis kuv paub tseeb tias Yexus yog kuv tus Cawmseej. Nws coj thiab qhia kuv ntawm nws txojlus. Nws txhawb kuv thaum kuv raug luag ntxub, raug luag thuam, ntsib kev txomnyem nyuajsiab, los Vajtswv tseem nrog nraim kuv tsis tso kuv tseg. Yog li ntawd kuv thiaj li tso txhua yam los nrog Yexus mus. Mus qhia nws Txojmoo Zoo kom lwm tus los txais yuav Yexus los ua lawv tus cawmseej kom lawv tau txojsia mus ibtxhis thiab.
Tsis yog Vajtswv thiaj li hu xibhwb los mus ua Yexus tes haujlwm
xwb. Txhua tus ntseeg puav leej raug
hu los ua Yexus cov tubtxib ib yam.
Cov xibhwb yuav mus thiab yuav los rau cov ntseeg. Tiamsis lub church thiab
Vajtswv txojlus tseem muaj nyob mus ibtxhis. Yog li ntawd txhua tus ntseeg yuav
tsum kawg Vajtswv txojlus kom zoo thaum nws haistias, “cia li nrog
kuv mus, kuv yuav qhia kom koj paub mus nrhiav neeg.”
Yog li ntawd thaum Vajtswv hu koj lawm koj
yuav tsum tso txhua yam los ua Vajtswv tes dejnum. Vim Vajtswv pub koj muaj koj
ib lub tswvyim los mus ua tau Vajtswv tes dejnum.
Peb tus Cawmseej haistias, “Nrog
kuv mus.” Cia koj thiab kuv teb tias, “Yes! Kuv nyob ntawd no, Kuv nrog
koj mus ua koj tes dejnum, qhia koj Txojmoo Zoo.” Cia kom peb lub neej rau siab ntso ua Vajtswv
tes dejnum rau Vajtswv lub tebchaws uas yog npaj peb lub neej tiav hlo kom zoo
sisthooj li peb npaj mus nuv ntse kom peb thiaj li nuv losyog nrhiav tau
tibneeg los nrog Yexus mus.
Thov kom Vajtswv txojlus pub rau peb
sawvdaws totaub thiab tau nyob kajsiab lug rau ntawm Tswv Yexus Khetos. Peb
txhua tus uas yog Vajtswv cov menyuam peb sawvdaws hais: Asmees.
Sermon
Notes
“Nrog Kuv Mus”
Mathais 4:18-22
Illustration: “Fishing”
1. Nyob rau ntawm peb Txojmoo Zoo Yexus _______kom peb txhua _____ yuav tsum nrog Yexus ______.
2. Tiamsis Yexus txojkev ______ los ________ tau koj thiab tau kuv. Tswv Yexus Khetos hu peb _____ tus los nrog nws mus uake. Nws xav kom peb los ua tus neeg dawbhuv thiab ncajncees. Qhov no qhia tau tias peb thiaj li yog cov________Yexus mus.
3. Peb ______ yog part-time tus ntseeg xwb. Nws tsis yog kom peb txi tau txiv rau hnub Sunday xwb, tiamsis nws kom peb ________ tsum nrog nws mus 24 hrs. 7 days per week, ________ lub sijhawm hauv peb lub neej.
4. Tsis yog Vajtswv thiaj li ______ xibhwb los mus ua Yexus tes haujlwm xwb. Txhua tus ______ puav leej raug hu los ______ Yexus cov tubtxib ib yam.
5.
Peb
tus Cawmseej haistias, “Nrog kuv mus.” Cia koj thiab kuv teb tias, “______ Kuv
nyob ntawd no, Kuv ______ koj mus _______ koj tes dejnum, qhia koj Txojmoo
Zoo.”