Thaum cov ntseeg Yexus tuag lawv rau
qhovtwg lawm?
Lukas 16:19-31
Greetings: Thov Vajtswv foom koob foom hmoov rau nej
txhua tus thiab thov Vajtswv txojkev haumxeeb nrog nraim nej txhua tus nyob lub
sijhawm no, tshwjxeeb tshajplaws hmo no rau
___________ tsevneeg uas peb tshua thiab hlub kawg nkaus.
Text: Luke 16:19-31
Prayer:
1. Introduction:
a. ___________, peb hlub nej kawg nkaus li. Peb tuaj coob coob hauv no,
tiamsis peb tsis paub xyov yuav hais lo twg thiaj yuav zoo nej lub siab. Peb tsis paub xyov yuav ua li cas nej lub siab thiaj yuav rov kaj li qub. Qhov tseeb tiag peb yeej tsis
muaj tus yuav plij tau nej lub siab.
b. ___________, tiamsis nej nco ntsoov haistias Vajtswv, uas yog peb Leejtxiv, tus nyob
saum ceebtsheej ntuj, Nws hlub nej tshaj qhov uas peb tibneeg yuav hlub tau
nej. Nws yeej ua tau
kom nej rov kaj siab dua. Nws yeej plij tau nej lub siab kom nej rov qab siab ua neej. Nws yeej mob siab rau nej kawg nkaus lub
sijhawm uas nej tsevneeg muaj kev ploj kev tuag zoo li
no.
c. Peb ua Vajtswv tsaug, rau qhov tus
Vajtswv uas tsim ntuj tsim ntiajteb thiab tsim peb tibneeg los nyob hauv
ntiajteb no yog tus Vajtswv uas hlub peb kawg nkaus li. Thaum peb noj qab nyob zoo
los Nws hlub peb heev. Thaum peb
muaj kev nyuaj siab, muaj kev tsaus ntuj li peb muaj
no los Nws hlub peb heev. ______, Vajtswv hlub nej kawg nkaus li. Nws yeej pom nej tej kev
quaj, kev los kuamuag, thiab nej kev tshua kev hlub txog niam ________.
2. Where are the deads go:
a. Zaj lug qhuabqhia uas hmo no Kuv npaj
qhia txhawb koj ______, tsevneeg, tsev xyomcuab uas yog cov kwvtij, pawg-ntseeg
thiab tagnrho neejtsa thiab phoojywg uas tuaj hauv no hmo no hu haistias,
“Thaum cov ntseeg Yexus tuag los lawv mus rau qhovtwg lawm?”
b. Vajtswv
Txojlus, Lukas 16:19-31, uas peb twb tau hnov los lawm qhia tseeb rau peb
haistias thaum cov ntseeg Yexus tuag lawv mus rau qhovtwg lawm. Vajtswv Txojlus qhia rau peb haistias muaj ob
tug txivneej, ib tug pluanuj ib tug txomnyem. Tus npluanuj thaum tseem
nyob ntiajteb nws lub neej zoo heev li.
Nws muaj noj muaj haus thiab hnav tsoos zoo zoo. Tus txomnyem nws tsis muaj
noj tsis muaj haus, nws tsis muaj tsoos tsho zoo los hnav, nws khaubhlab heev. Nws niaj hnub tuaj zaum
ntawm tus npluanuj lub qab rooj noj mov saib nws puas yuav tau noj tej mov uas poob
saum tus npluanuj lub rooj los rau hauv pemteb. Tus txivneej txomnyem no
nws tsis yog txomnyem ntawm nws lub neej xwb, tiamsis nws lub cev tseem muaj
mob ua qhovtxhawb ua rau aub tuaj yaim nws tej qhovtxhab ntawd thiab. Nws yog ib tug
txivneej uas txomnyem tshajplaws peb nyeem nyob hauv Vajtswv Txojlus.
c. Vajtswv
Txojlus qhia rau peb haistias muaj ib hnub tus txivneej txomnyem ntawd tuag, Vajtswv cov timtswv saum ntuj los coj nws mus nyob ntawm
Aplaham ib sab. Tus txivneej npluanuj
los kuj tuag, tiamsis nws mus raug kev txomnyem nyob hauv
tubtuag teb.
3. Lub chaw tus txomnyem mus nyob yog ntuj
ceebtsheej:
a. Raws li Vajtswv Txojlus qhia rau peb, lub chaw uas Aplaham
nyob ntawd yog Vajtswv lub ntuj ceebtsheej, lub chaw uas zoo kawg nkaus uas
Vajtswv npaj tseg rau txhua tus uas ntseeg Vajtswv tus tub, Yexus Kheto, mus
nyob.
b. Tus txivneej txomnyem, thaum nws tseem
muaj txojsia nyob, nws ntseeg Vajtswv thaum nws tuag nws thiaj tau mus nyob
hauv ntuj ceebtsheej, lub chaws uas zoo kawg nkaus ntawd. Yog vim li cas peb
paub haistias tus txivneej txomnyem ntseeg Vajtswv? Peb
paub li no, rau qhov lub npe Laxalaus yog txhais haistias, “Vajtswv yog tus pab
nws.”
Qhov no txhais tau haistias Laxalaus ntseeg Vajtswv,
thaum nws tuag Vajtswv thiaj pab nws.
Vajtswv txib Vajtswv cov timtswv los coj nws mus nyob hauv
Vajtswv lub tebchaws uas zoo kawg nkaus uas Aplaham, tus uas yog tagnrho cov
ntseeg Yexus tus yawgkoob, mus nyob ua ntej lawm.
c. Vajtswv Txojlus Tshwmsim qhia rau peb
haistias lub tebchaw uas tus txivneej txomnyem thiab Aplaham mus nyob zoo npaum
li cas daim. Vajtswv
Txojlus qhia li no rau peb, lub tebchaw ntawd zoo kawg nkaus li, luag xuas cov
pobzeb uas zoo tshajplaws los ua.
Peb cov lus Hmoob tsis muaj ib
lo yuav piav tau tias cov pobzeb ntawd zoo npaum li cas, tiamsis lub Askiv haistias
cov pobzeb no yog Jasper, saphire, chalcedony, emerald, sardonyx, carnelian,
chrysolite, beryl, topaz, chrysophrase, jacinth, amethyst, pearls, gold, and
transparency glasses.
d. Vajtswv lub tebchaws ntawd yog lub zoo
tshajplaws tiag tiag li, ntiajteb neeg tej lus piav yeej tsis tau. Yog li, Vajtswv thiaj
muab yam uas zoo tshajplaws hauv ntiajteb no thiab tej uas tseem ceeb tshaplaws rau neeg lub neej coj piav qhia rau neeg haistias
tus Tswv uas tsim ntuj tsim ntiajteb thiab tsim tibneeg lub tebchaws zoo npaum
li cas daim. Nws
yog lub tebchaws uas zoo tiag tiag li.
Vajtswv Txojlus qhia rau peb haistias nyob hauv Vajtswv lub tebchaws no
yeej tsis muaj hnub muaj hli ua rau pom kev, vim
haistias Vajtswv yog tus ci rau Vajtswv lub tebchaws pom kev. Txhua yam uas nyob
hauv lub tebchaws yog yam dawbhuv thiab cov ncajncees nyob xwb - yeej tsis muaj
ib yam dabtsi phem yuav mus nyob tau hauv li.
e. Tsis tas li no
xwb, Vajtswv Txojlus qhia ntxiv rau peb haistias txhua
tus uas tau mus nyob hauv lub tebchaws zoo kawg nkaus no lawv yuav tsis muaj
mob, tsis quaj, tsis los kuamuag thiab tsis muaj kev tuag li lawm – txhua yam
kev phem no twb ploj huvsi mus lawm.
Lawv yuav nrog Vajtswv nyob thiab Vajtswv yuav nrog lawv nyob uake mus tas ibtxhis thiab ibtxhis li.
4. God
invite you and I to go to this good place:
a. Cov
kwvtij thiab phoojywg txhua tus, Vajtswv lub tebchaws zoo tiag tiag li. Txhua tus huabtais nyob
hauv lub ntiajteb no tej vaj tej tsev yeej zoo tshaj tej pejxeem tej vaj tej
tsev. Peb yeej paub tseeb tias tej no yeej muaj tseeb tiag. Tiamsis
peb tus Vajtswv uas tsim lub ntuj lub ntiajteb thab tsim peb, Nws lub tebchaws
tseem zoo tshaj tej uas peb pom nyob hauv ntiajteb no lawm. Tej hauv ntiajteb no yeej piv tsis tau!
b. Vajtswv Txojlus qhia rau peb haistias Vajtswv
lub tebchaws no tsis yog Vajtswv tsim rau Vajtswv ibleeg nyob xwb, tiamsis
Vajtswv xav kom txhua tus tibneeg uas Vajtswv tsim los nyob hauv ntiajteb no tau
mus nrog Vajtswv nyob hauv Vajtswv lub tebchaws uas zoo kawg nkaus ntawd. Vajtswv Txojlus qhia
rau peb haistias txojkev yuav mus hauv Vajtswv lub tebchaws yog Vajtswv tus
tub, Yexus Khetos. Dhau ntawd
Yexus lawm yeej tsis muaj lwm tus yuav coj tau peb mus
hauv Vajtswv lub tebchaws. Qhov no txhais tau yoojyim rau peb Vajtswv hais
kom peb txhua tus thaum uas peb tseem muaj txojsia nyob no peb los ntseeg Yexus
ua peb tus Cawmseej, peb thiaj yuav tau mus nyob hauv Vajtswv lub tebchaws.
c. Peb
ua Vajtswv tsaug uas thaum niam __________ tseem muaj txojsia nyob, nws los
ntseeg Vajtswv tus tub, Yexus, uas yog txojkev mus hauv Vajtswv lub tebchaws
uas zoo kawg nkaus ntawd. Peb paub tseeb haistias hnub uas nws tso lub ntiajteb no tseg, nws
tus ntsujplig mus nyob hauv Vajtswv lub chaw zoo kawg nkaus uas tus txivneej
txomnyem mus nyob lawm. Nws dim txhua yam kev
phem thiab kev tsis zoo hauv lub ntiajteb no lawm.
d. Rau peb cov uas tseem nyob hauv lub
ntiajteb no, txojkev ploj kev tuag yog ib yam uas phem
kawg nkaus, tiamsis Vajtswv tsis pom haistias yog yam phem, vim haistias thaum
peb tso lub ntiajteb no tseg lawm, peb yuav tau mus nyob Vajtswv lub tebchaws
uas zoo tshaj lub ntiajteb no. Peb yuav tau mus ntsib Vajtswv thiab nrog Vajtswv nyob uake. Tiamsis tsis yog haistias peb tuag ces peb
tus ntsujplig mus nrog Vajtswv nyob ces tas li no lawm
xwb. Qhov no tseem
tsis tau yog qhov kawg. Vajtswv
Txojlus qhia rau peb haistias thaum txog sijhawm lub ntiajteb no kawg uas
Vajtswv yuav muab hlawv povtseg, txhua tus uas tuag lawm Vajtswv yuav tsa sawv
rov los muaj sia nyob. Hnub ntawd Vajtswv yuav muab lub cev tshiab
uas tsis txawj tuag rau Vajtswv cov neeg, thaum no lawv yuav muaj lub cev
tshiab, lawv yuav nrog Vajtswv nyob hauv Vajtswv lub tebchaws mus tas ibtxhis thiab ibtxhis li. Qhov no yog
homphiaj Vajtswv npaj tseg rau txhua tus uas ntseeg Vajtswv tus tub, Yexus
Khetos.
5. Closing:
a. _________, niam ______ tau tso koj tseg thiab nws tsev neeg
tseg. Lub sijhawm no tej zaum yuav yog ib lub sijhawm tsaus ntuj thiab txomnyem siab rau nej
heev. Tiamsis hmo
no Kuv thov txhawb nej haistias tib lub sijhawm uas nej nyuaj nyuaj siab thiab los
los kuamuag no, nej xav rau ntawm Vajtswv thiab niam _______ txojkev ntseeg
Yexus es nej cia li zoo siab thiab nej ua Vajtswv tsaug thiab, vim haistias
niam ______ yog Vajtswv ib tug ntxhais.
Dhau los ntawm qhov uas nws ntseeg Yexus ua nws tus Cawmseej, Vajtswv
twb zam nws tej kev txhaum. Nws yog ib tug neeg
dawbhuv thiab ncajncees rau ntawm Vajtswv.
Vajtswv wb muab nws lub npe sau rau hauv Vajtswv phau
ntawv muaj sia. Hnub uas nws tso nej tseg, hnub ntawd nws twb nrog Vajtswv nyob
uake lawm. Nws mus nyob lub chaw
uas kawg nkaus lawm.
b. Nej cia siab
rau Vajtswv. Nej
tabmeeg ntseeg Tswv Yexus. Nej
tsis txhob tas kev cia siab rau Vajtswv. Vajtswv yog nej tus Tswv,
Nws hlub nej heev li. Khaws
Vajtswv Txojlus rau hauv nej lub siab, Vajtswv yeej yuav foom koob hmoov rau nej kom
nej rov muaj zog thiab kom nej lub siab rov kaj. Vajtswv yuav tsi tso nej tseg ib zaug li. Nws yuav nrog nraim nej nyob mus txog hnub uas nej yuav rov sib
ntsib hauv Vajtswv lub tebchaws. Hmoob haistias yog tojrooj hauspe quas ces peb yuav sib pom dua,
tiamsis yog av luajqhua ces yuav tsis sib pom lawm. Kuv hais rau nej haistias
Hmoob hais tsis yog lawm. Yeej tsis muaj leejtwg quas tau Vajtswv cov neeg. Vajtswv Txojlus haistias
txawm peb nyob los peb yog Vajtswv neeg, txawm peb lub cev tuag los peb yog
Vajtswv neeg. Thaum txog sijhawm
peb yuav nyob uake mus tas ibtxhis thiab ibtxhis yuav
tsis sib ncaim li lawm nyob hauv lub tebchaws uas zoo kawg nkaus.
c. Thov Vajtswv
tus uas muaj txojkev hlub loj tshajplaws foom koob hmoov rau nej, so nej lub
kuamuag thiab pub nej lub siab kaj rau nej txhua tus rau ntawm Tswv Yexus lub
npe. Asmees.