|
WELCOME TO THE
WEBPAGE OF THE LCMS HMONG MINISTRY IN Our |
|||
|
|
INFORMATION Vicar Noulang Yang (988) 239-4758 |
WELCOME Visitors are always welcome
to worship with us on Sunday |
SUNDAY Sunday school Worship service |
|
|
LUTHERAN
FAITH Pawg
ntseeg Lutherans yog leejtwg? Lutherans yog pawg ntseeg uas ntseeg tus Vajtswv
uas yog Tswv Yexus Khetos. Peb ntseeg tias Vajtswv qhia tshwm nws tus kheej
rau peb los ntawm phau Vajlug Kub, tias Yexus Khetos yog peb tus Cawmseej,
tus uas los rau hauv ntiajteb yog los zam peb lub txim thiab pub txoj sia
ntev mus ibtxhis rau peb. Yexus hais tias “Rau qhov Vajtswv hlub tibneeg
ntiajteb kawg li, nws thiaj li txib nws tib leeg Tub los rau hauv ntiajteb,
tus uas ntseeg nws Leej Tub tus ntawd
yuav tsi raug kev ploj kev tuag, tiabsis yuav tau txojsia ntev mus
ibtxhis.” (Yauhas 3:16). Pawg
ntseeg Lutherans yog tis npe los hwm
thiab nco txog Dr. Martin Luther uas tau nyob tiam 1483-1546. Luther yog ib
tus German haujsham, thiab txivplig uas pom tau tias cov Church qhia tsi ncaj
ncees thiab qhia tsi raws li Vajlug Kub. Luther thiab lwm cov protestant
reformers, rov qhia kom sawvdaws yuav tsum rov mus qhia raws li Vajlug Kub
uas yog qhov tseeb thiab qhov ncaj ntawm Vajlug Kub Qub thiab Vajlug Kub
Tshiab. Luther tau qhia txog tias tibneeg uas yuav raug cawm dim yog los
ntawm Vajtswv txoj koob hmoov uas qhia peb los ntawm Yexus Khetos, tsi yog
los ntawm peb txoj kev ua haujlwm zoo. Tsi ntev Dr.Martin Luther thiaj tawm
ntawm Roman Catholic Church, thiab muaj cov ntseeg coob nyob cheeb tsam
Europe thiaj tau tawm ntawm Roman Catholic. Muaj
ntaus pawg ntseeg nyob thoob ntiajteb no puavleej muaj lub npe hu “Lutheran.”
Peb yog pawg ntseeg zwm rau The Lutheran Church-Missouri Synod. Peb
pawgntseeg muaj li 2.6 millions tus tswvcuab. Peb lub hauvpaus nyob rau Los
lus “synod” yog los ntawm Greek los lus: syn, txhais tau tias “sibkoom
los tuaj koom uake” thiab los lus hodos, yog txhais tias “txojkev los
mus uake”. Peb pawg ntseeg qhia tau tias peb “Taug Kev Uake” “Walk
Together” Peb lub hauv paus pib thaum xyoo 1847 los ntawm 16 pawgntseeg uas
yog German thaum lawv tuaj pib
nyob rau tebchaw Amelikas no. Lub church no tau tsim tsa los muaj li 50 xyoo lawm. Peb
pawg ntseeg Hmoob zwm ua tswvcuab tau li 25 xyoo. Tus Xibhwb rau pawg ntseeg
Hmoob yog Vicar Numlaajtsheb Yaaj. Peb
lub homphiaj ua muaj kev loj hlob los ntawm Tswv Yexus Khetos: Sib Raug Zoo Nrog Vajtswv - Peb hwm thiab lees paub Vajtswv ua yog Vaj Leejtxiv, Vaj Leejtub, thiab Vaj Ntsujplig. Sib Raug Zoo Nrog Vajtswv - Peb hwm thiab lees paub Vajtswv ua yog Vaj Leejtxiv, Vaj Leejtub, thiab Vaj Ntsujplig. Vajlugkub - Peb hwm txog Vajtswv Txojlus. Nws Txojlus qhia peb ua neej thiab txhawb peb txoj kev cia siab thiab kev ntseeg yog los ntawm Vajtswv txoj koob txoj hmoov. Pehawm Thiab Qhuas Vajtswv - Los ntawm Vajtswv txoj koob hmoov peb tsoom ntseeg tuaj koom ua ke tuaj sib txhawb zog, tuaj qhuas Nws lub npe los ntawm Nws Txojlus, ua kev ntxuav thiab txais Yexus Rooj Mov uas yog Yexus lub cev thiab cov ntshav ua zam tibneeg lub txim. Dejnum - Peb txhua tus puavleej yog Vajtswv cov menyuam. Peb yuav siv peb lub dag lub zog uas Vajtswv pub rau peb los ua Nws tes dejnum raws li Nws dej siab kom Nws tau koob meej Mloog Vajtswv Lus - Peb muaj kev hlub thiab kev mloog lus yog xyaum ua tus yamntxwv “imitating Christ” li Vajtswv thiab nws Txojlus. Tej Zej Zos - Peb muaj kev sibhaum xeeb sib raug zoo nrog peb tej zej tej zos los ntawm txoj kev hlub, kev sibpab, thiab sibhwm. Koob Hmoov - Peb txhua tus muaj kev sib raug zoo nrog Vajtswv, vim nws txoj koob hmoov pub rau peb. Peb thov Vajtswv thiab kawm Vajtswv Txojlus thiab ua tus neeg ncajncees kom haum Vajtswv siab. Peb yuav tau txojsia thiab tau nrog Vajtswv nyob sau ceebtsheej ntuj vim peb ntseeg Tswv Yexus Khetos. (Yauhas 3:16). Peb txhua tus puavleej yog Vajtswv haivneeg thiab tau koob hmoov mus ib txhis raws li tej lus uas nws cog tseg. (Hinplus 9:15) Lus Zoo Siab - Peb zoo siab tias hnub no koj thiab peb sawvdaws tau sib ntsib. Peb thov kom Vajtswv pub koob hmoov rau peb txhua tus thiab nrog nraim peb txhua lub sijhawm. Peb thov caws koj nrog rau koj tsev neeg tuaj nrog peb koom thiab pehawm Vajtswv rau hnub kaj. Yexus tau pib lub church rau txhua tus ua ntseeg nws kom sawvdaws tuaj sib txhawb zog vim nws txoj kev hlub rau lub ntiajteb no. Peb sawvdaws yog ib tsev neeg. Peb tsi muaj lub hwjchim los hlub li peb Leejtxiv saum ceebtsheej ntuj, tiamsis peb thov kom nws pub lub hwjchim rau peb kom peb yuav qhia tau thiab muaj txoj kev hlub los ntawm tej lus uas peb hais thiab tej dejnum uas peb ua rau txhua tus. Yog leejtwg xav tau ib tsev neeg uas muaj txoj kev hlub los ntawm Tswv Yexus Khetos? Thov caws koj tuaj koom peb. Peb yuav zoo siab txais tos koj txhua lub sijhawm. Thov Vajtswv foom koob hmoov rau koj, kom koj tau txoj kev kajsiab lug. |
||
|
|
|||
|
|
|||
|
|
|||
|
|
|||
|
|
|||
|
|
|||
