Tsis txhob nrog ntiajteb ua phoojywg
James 3:16-4:6
Greetings: Thov Vajtswv foom koobhmoov rau nej, hlub nej
thiab thov Vajtswv txojkev haumxeeb los kav nej lub siab. Asmees.
Text: James 4:6
Prayer:
1. Introduction:
a. Zaj lug qhuabqhia hnub no hu haistias, “Tsis txhob nrog ntiajteb ua phoojywg – Do not be friend with the world.”
b. Peb ua neeg
nyob peb nyiam muaj phoojywg. Kev muaj
phoojywg tsis txhaum, tiamsis yog koj tau cov phoojywg zoo ces koj yuav tau lub
neej zoo, yog koj cov phoojywg yog cov phem ces koj yuav tau lub neej phem, vim
haistias koj yuav tau ua koj lub neej zoo li koj cov phoojywg ua koj thiaj nrog
tau lawv ua phoojywg thiab nrog tau lawv sib raug zoo. Nws yeej muaj tseeb li no, rau qhov peb tau
paub thiab pom ntau tus los lawm:
c. Analogy:
a. If
your friends are smokers – you will
become a smoker.
b. If
your friends are adulters – you will
become an adulter.
c. If your
friends are nor serious about life – you
will become like them---So we need to
choose our friends wisely.
d. For
girls – if you married a lazy man, you
will become lazy with them, etc. (So choose
a good husband).
2. Vajtswv
txwv tsis pub peb ua phoojywg nrog ntiajteb:
a. Vajtswv txwv tsis pub peb nrog ntiajteb ua phoojywg, vim
haistias peb yog Vajtswv cov neeg. Lub
ntiajteb no ntxub Vajtswv, lawv tsis mloog Vajtswv lus, lawv tsis ntseeg
Vajtswv thiab lawv tsis ua neej raws li Vajtswv hais. Lawv kev ua neej zoo tsis thooj li peb kev ua
neej. Lawv txojkev ntseeg zoo tsis
thooj peb txojkev ntseeg. Qhov tseem ceeb rau lawv thiab qhov tseem ceeb rau
peb tsis zoo ib yam. Peb lub siab thiab
ntiajteb lub siab xav txawv. Muaj ntau
yam peb zoo tsis sib thooj. Yog li no,
Vajtswv thiaj haistias peb tsis txhob nrog ntiajteb ua phoojywg. Yog peb nrog ntiajteb ua phoojywg, Vajtswv
Txojlus haistias peb tau ua yeebncuab rau Vajtswv. Yog peb ua yeebncuab rau Vajtswv, peb tau ua
txhaum rau Vajtswv!
b. Vajtswv
Txojlus qhia rau peb haistias neeg ntiajteb ntshaw ntau yam thiab lawv muaj
siab kheej – selfish – losyog xav tau txhua yam los ua lawv tug. Vajtswv Txojlus haistias nyob qhovtwg yog
muaj neeg xav tau ntau yam thiab muaj neeg siab kheej, qhovchaw ntawd yuav muaj
kubntxhov, neeg yuav tsis muaj kev koomsiab thiab yuav muaj kev phem - vim
haistias thaum neeg tsis tau raws li neeg lub siab xav lawm neeg yuav siv cav
sib ceg thiab sib tua. Neeg ntiajteb tsis
txo hwjchim, vim haistias neeg yuav ua kom tau raws li neeg lub siab ntshaw. Nimno peb pom haistias lub ntiajteb peb nyob no
muaj kev kubntxhov, muaj kev phem, muaj kev txhaum thiab muaj kev sib tua ntau
qhovchaw vim yog neeg xav tau ntau yam thiab neeg tsis txo hwjchim.
c. Peb cov
ntseeg Yexus los muaj ib txhia lawv tsis muab lawv lub siab npuab Vajtswv tiag
tiag, lawv tseem ntshaw ntau yam. Tej
uas lawv ntshaw no ua rau lawv sib cav sib ceg, sib tua thiab tsim ntauyam kev
kubntxhov rau cov ntseeg thiab lawv tej neej.
Cov ntseeg ua lub neej zoo li no lawv tsis txawv neeg ntiajteb. Lawv ntshaw ntau yam thiab lawv tsis txo
hwjchim rau Vajtswv. Lawv txojkev ntseeg
yeej tsis muaj nujnqis rau Vajtswv, vim lawv nrog ntiajteb ua phoojywg!
d. Christians who be friended with the
world:
a. Those who are going after
money, fun and food and not coming
to Church – you
have become friend of the world.
b. Those who want to be Christians, but do
not want to serve –
you have
become friend of the world.
c. Those who
want to believe in Jesus and believe in Hmong religion – you have become friend of the world.
d. We
cannot be friend with both, the world and God.
e. Yog koj ua
neej zoo li cov ntseeg uas kuv hais no, koj yuav tau lees koj tej kev txhaum
rau Vajtswv, es tig rov los mloog Vajtswv lus thiab cia Vajtswv tswj koj lub
siab thiab cia Vajtswv Txojlus qhia koj ua neej. Yog koj tsis mloog Vajtswv lus ces txhais tau
haistias koj lam
f. Cov kwvtij, Vajtswv Txojlus haistias peb
yuav tau “Txaus Siab – Be content”
rau peb lub neej – tsis txhob ntshaw ntau yam, tiamsis Vajtswv foom li cas rau
peb, peb zoo siab li ntawd thiab peb ua Vajtswv tsaug rau tej uas peb muaj
ntawd. Kev nrhiav nyiaj rau yus tsevneeg
tsis txhaum, kev ua lag ua luam tsis txhaum, kev ua haujlwm tsis txhaum; qhov
txhaum yog thaum uas koj mus ua tej no ces koj cia li tsis nco Vajtswv, koj
tsis ua Vajtswv tsaug, koj tsis tuaj hawm Vajtswv thiab koj pab cov ntseeg ua
Vajtswv dejnum. Thaum no koj mus nrog
ntiajteb ua phoojywg lawm. Qhov no
txhaum Vajtswv!
3. Ua
phoojywg nrog Vajtswv:
a. Vajtswv Txojlus Yakaunpaus txwv kom peb tsis txhob ua phoojywg
nrog ntiajteb; rau qhov peb yog Vajtswv neeg, peb yuav tau cia Vajtswv lub
tswvyim losyog txojkev txawj ntse (wisdom) uas los saum ntuj ceebtsheej los
tswj peb lub siab thiab coj peb kev ua neej. Vajtswv Txojlus haistias lub tswvyim los saum
ntuj los yog lub tswvyim dawbhuv, nyiam kev haumxeeb nrog rau kev sib hlub,
txawj xav, txo hwjchim, npuv nkaus kev mob siab rau lwm tus, txi txiv zoo, ua
ncajncees thiab muaj lub siab zoo. Vajtswv
xav kom peb tau txhua yam zoo no, thiab xav kom txhua yam zoo no tawm hauv peb
lub neej mus rau sab nraum.
b. Vajtswv hais kom peb ua lub neej zoo. Vajtswv hais kom peb nyob sib haumxeeb. Vajtswv hais kom peb sib hlub. Vajtswv hais kom peb tsis txhob sib cav sib
ceg. Vajtswv hais kom peb tsis txhob sib
tua. Vajtswv hais kom peb txo hwjchim es
mloog Vajtswv lus. Vajtswv tsis xav kom
peb muaj kev kubntxhov nyob hauv peb lub neej.
c. Cov kwvtij, peb yuav tau
nco ntsoov haistias Vajtswv hlub peb kawg nkaus li, Vajtswv thiaj txib
Vajtswv tus tub, Yexus Khetos, los ua peb tus Cawmseej thiab los tuag thiab
sawv hauv qhov tuag rov txhiv peb tej kev txhaum thiab kovyeej txojkev tuag rau
peb lawm. Peb yog Vajtswv cov
menyuam. Peb yuav tau cia Vajtswv coj
peb kev ua neej. Peb yuav tau cia
Vajtswv lub tswvyim tswj peb lub siab lub ntsws, peb thiaj nyob sib haumxeeb,
peb thiaj txawj sib raug zoo, peb thiaj txawj sib hlub, peb thiaj txawj txo
hwjchim, txawj mob siab rau lwm tus, txi txiv zoo, txawj ua neej ncajncees
thiab muaj lub siab zoo rau txhua tus raws li Vajtswv hais kom peb ua.
d. Thov Vajtswv foom koobhmoov rau nej thiab thov Vajtswv pab kom
peb yuav txawj mloog Vajtswv lus rau ntawm Tswv Yexus lub npe. Asmees.