Tus ntseeg txawm tuag nws tseem nyob

John 11

Greetings: Thov Vajtswv foom koob hmoov rau nej, thiab thov Vajtswv txojkev hlub nrog nraim nej txhua tus nyob rau ntawm Tswv Yexus lub npe. Asmees.

Nyeem Yauhas 11:23-25

Thov Vajtswv:

1. Introduction:
a). Cov kwvtij, txojkev ploj kev tuag tsis yog kev uasi. Kev ploj tuag yog ib yam uas tu siab kawg thiab ua rau peb tauv tsis tau peb lub kuamuag. Thaum muaj ib tsevneeg twg muaj kev ploj kev tuag, lawv quaj heev, thiab lawv tshua txog tus tuag kawg nkaus. Tsis tas li no xwb, kev ploj tuag ua rau peb tsis muaj zog thiab ua rau peb tsaug muag heev.

b). Txojkev tuag muaj hwjchim loj tshaj peb tibneeg ntiajteb. Thaum txojkev tuag los txog peb lawm, peb tawmtsam tsis yeej txojkev tuag, peb nrog tsis tau txojkev tuag hais lus, tiamsis peb cia li cia txojkev tuag kovyeej peb, txojkev tuag ua rau peb tuag thiab ua rau peb swb.

c). Kev tuag yog yam uas phem kawg nkaus rau peb neeg ntiajteb. Yog hais tias peb yug los ua neeg nyob hauv lub ntiajteb no es tsis muaj tus yuav cawm tau peb dim txojkev tuag ces peb yeej tsis muaj kev vamkhom rau peb lub neej thiab txojsia li. Peb yug los ua neeg nyob tsis muaj qabhau dabtsi. Ua li cas los peb yeej yuav tuag mus li xwb ces peb cia li khwv noj khwv haus kom txaus nkaus, uasi kom txaus nkaus, ua kev lomzem kom txaus nkaus, vim hais tias muaj ib hnub twg peb yuav tuag mus – qhov no yuav zoo tshaj lawm.

d). Tiamsis Vajtswv Txojlus Yauhas 11 hnub no qhia rau peb hais tias peb tsis txhob tas kev cia siab. Tswv Yexus yog tus uas Vajtswv txib los pab peb. Vajtswv Txojlus qhia rau peb hais tias Vajtswv tus Tub, Yexus Khetos twb kovyeej txojkev tuag rau peb lawm. Tswv Yexus muaj hwjchim tshaj txojkev tuag. Txojkev tuag kov tsis yeej Tswv Yexus. Tswv Yexus yog peb txojsia txojkev vamkhom thiab kev cia siab.

2. Lazarus’s death:
a). Vajtswv Txojlus, Yauhas 11, qhia rau peb hais txog peb tus tibneeg uas Tswv Yexus hlub kawg nkaus muaj ib tug tau muaj mob thiab tau tuag. Lawv peb tug no yog Maiv Liag, Matha thiab Laxalaus. Laxalaus yog Maiv Liag thiab Math nkawv tus nus. Laxaus muaj mob. Tej zaum Laxalaus tus mob yog tus mob loj thiab yuav tsis zoo.

b). Matha thiab Maiv Liag nkawv xa xov mus rau Tswv Yexus kom Tswv Yexus tuaj xyuas Laxalaus vim haistias lawv yog phoojywg zoo. Tiamsis thaum Tswv Yexus hnov tsab xov ntawd, Tswv Yexus hais tias tus mob ntawd yeej ua rau Laxalaus tuag tsis taus. Vajtswv yeej yuav ua kom Vajtswv tus tub tau koobmeej. Tswv Yexus paub hais tias Laxalaus yeej yuav tuag, tiamsis Nws xav kom neeg pom Vajtswv lub hwjchim thiab ntseeg Nws. Yog li, Yexus thiaj nyob ob hnub ntxiv, Nws mam mus xyuas Laxalaus.

c). Thaum dhau ob hnub lawm, Tswv Yexus hais rau cov neeg hais tias peb tus phoojywg Laxalaus tuag lawm, tiamsis Kuv yuav mus tsa nws sawv. Nyob ntawm nqai 14, Tswv Yexus hais tias, “Kuv zoo siab uas thaum Laxalaus tuag kuv tsis nyob ntawd, kom nej thiaj yuav ntseeg.” Tswv Yexus yuav mus tsa Laxalaus sawv.

d). Thaum Tswv Yexus mus txog ntawd ntawm Maiv Liag thiab Matha tsev, Matha tuaj ntsib Tswv Yexus, tiamsis Maiv Liag nyob hauv tsev. Matha hais rau Tswv Yexus hais tias, “Tus Tswv, yog koj tuaj kuv tus nus yuav tsis tuag.” Yexus teb Matha hais tias, “Koj tus nus yuav rov muaj sia nyob dua.”

e). Matha teb Yexus hais tias, “Kuv paub hais tias hnub Vajtswv tsa cov neeg tuag sawv, nws yuav sawv los muaj sia.” Tswv Yexus hais rau Matha tias, “Kuv yog txojkev sawv hauv qhov tuag rov los thiab yog txojsia. Tus uas ntseeg Kuv yeej muaj sia nyob, txawm tias nws tuag. Tus uas muaj sia nyob thiab ntseeg Kuv yeej yuav tsis tuag.” Yexus hais rau Matha tias, “Koj puas ntseeg Kuv cov lus no?” Matha teb tias, “Tus Tswv, kuv ntseeg tias koj yog tus Khetos uas yog Vajtswv tus tub, uas los hauv ntiajteb no.”

f). Tom qab ntawd Matha mus hu Maiv Laig tuaj ntsib Yexus, rau qhov Yexus xav ntsib Maiv Liag. Thaum Maiv Liag ntsib Tswv Yexus, Maiv Liag hais rau Tswv Yexus tias, “Tus Tswv, yog koj tuaj xyuas kuv tus nus nws yeej yuav tsis tuag.” Thaum Maiv Liag hais cov lus no, Maiv Liag quaj quaj. Tswv Yexus hlub nkawv heev. Tswv Yexus hais rau cov neeg hais tias, “Nej muab nws faus rau qhovtwg?” Thaum no Tswv Yexus los kuj quaj ib yam nkaus, vim nws hlub Laxalaus heev. Thaum lawv mus txog ntawm lub qhov ntxa, Tswv Yexus hais kom lawv muab daim lagzeb tshem tawm. Tiamsis Matha hais rau Yexus tias Laxalaus twb tuag tau 4 hnub lawd mas nws yuav tsw lawm. Tiamsis Yexus hais rau lawv hais tias, “Kuv twb qhia rau nej lawm hais tias nej yuav pom Vajtswv lub hwjchim.” Tswv Yexus thov Vajtswv kom cov neeg tuaj ntawd yuav ntseeg tias Yexus yog tus Cawmseej. Yexus txawm hais tias, “Laxalaus sawv rov los.” Laxalaus txawm sawv rov los muaj sia raws li Yexus hais.

3. Application for us:
a). _____, nej niam tau tuag lawm. Nej yuav mob siab kawg nkaus ib yam nkaus li Matha thiab Maiv Liag nkawv mob siab rau rau tus nus Laxalaus. Kuv tseem nco thaum uas Kuv txiv tuag, kuv lub kuamuag yeej los tsis tu li. Txawm lub ncauj tsis quaj los lub siab yeej quaj txhua lub sijhawm Kuv ncig los txog ntawm Nws. _______, peb thov nrog nej tu siab, thiab peb thov nrog neb tshua nej _____.

b). Txawm haistias peb pab tsis tau nej ib yam dabtsi tseem ceeb los, nej nco ntsoov haistias thaum _____ ua tsheb ntxeev Tswv Yexus yeej pom nws. Thaum ____ tuag los Tswv Yexus yeej pom nws, vim hais tias Tswv Yexus yog nws tus Cawmseej. Nws yeej pom nej txojkev hlub _____. Tswv Yexus yeej pom nej txojkev mob siab thiab kev quaj rau _____. Tswv Yexus yeej hlub nej kawg nkaus thiab hlub ____ kawg nkaus. Nws yeej yuav pab tau nej!

c). Yog Tswv Yexus nrog peb nyob hauv lub chaw tamsim no, Nws yuav hais rau nej ib yam nkaus li Nws hais rau Matha hab Maiv Liag nkawv hais tias, “Nej ______ yuav rov muaj sia.” Qhov tseeb tiag tamsim no Tswv Yexus yeej nrog nraim peb nyob hauv no dhau los ntawm Vajtswv Txojlus. Vajluskub haistias Vajtswv Txojlus yog Tswv Yexus. Tswv Yexus ntuas nej thiab peb txhua tus hais tias “Kuv yog txojkev sawv hauv qhov tuag rov los thiab yog txojsia. Tus uas ntseeg kuv yeej muaj sia nyob txawm nws tuag.”

d). ____ lub cev tuag xwb, tiamsis nws txojsia thiab tus ntsujplig tsis tuag. Nws mus nrog Vajtswv nyob lawm. Vajtswv Txojlus haistias txojkev tuag zoo li pw tsaug zog xwb, thaum Tswv Yexus rov los zaum ob Tswv Yexus yuav tsa nws sawv rov los. Tswv Yexus hais tseg tias, “Kuv yuav rov los sai sai….”

e). ____, nej cia siab rau Tswv Yexus. Cov kwvtij, peb sawvdaws cia siab rau Tswv Yexus. Vajtswv Txojlus hais kom thaum peb tseem muaj sia nyob no peb txhua tus los ntseeg Yexus, vim Yexus yog peb tus Cawmseej. Tswv Yexus yog peb txojsia thiab tus ntsujplig txojkev cia siab. Tswv Yexus tibleeg nkaus xwb thiaj muab tau txojsia nyob ntev mus tas ibtxhis rau peb.

f). Thaum Yexus tuag saum tus ntoo khaublig 2010 xyoo dhau los, Tswv Yexus sawv rov los kojvyeej Dab ntxwg nyoog thiab txojkev tuag rau peb lawm. Tswv Yexus txhiv peb peb lub txim lawm.

g). Yog li no, Vajtswv Txojlus thiaj caw kom peb txhua tus los ntseeg Yexus, peb thiaj yuav dim txojkev tuag zaum ob uas phem kawg nkaus yuav los tom ntej no.

4. Closing:
a). _____, cov xyomcuab thiab tagnrho ib tsoom kwvtij phoojywg txhua tus, Vajtswv hlub peb txhua tus kawg nkaus li. Nej khaws Vajtswv Txojlus cia rau hauv neb lub siab. Ntseeg Tswv Yexus nej thiaj yuav kaj siab thiab rov qab siab mus ua neej. Tsis txhob pub Dabntxwgnyoog los lub ntiajteb no ua rau nej tsaug muag losyog yuav tas kev cia siab rau txojkev ua neej.

b). Tiamsis nej nco ntsoov haistias Tswv Yexus pab tau Laxalaus li cas, thaum txog sijhawm Tswv Yexus yeej ua ib yam nkaus li ntawd rau _____. Nimno ____ mus nyob dua ib lub chaw, peb nyob dua ib lub chaw, tiasmis thaum txog sijhawm nej yuav rov nyob uake dua yog haistias nej ntseeg Tswv Yexus ib yam li ____.

c). Thov Vajtswv txojkev haumxeeb uas zoo kawg nkaus los kav nej lub siab lub ntsws thiab thov Vajtswv pab kom nej txojkev ntseeg Yexus ua nej tus Cawmseej yuav khov kho mus txog hnub nej sib ntsib dua ntawm ntawm Tswv Yexus lub npe. Asmees.