DEVOTION
Lenten Season
	Isaiah 53 “But He was pierced for our transgressionss, He was crushed for our iniquities, the punishment that brought us peace was upom Him…”
Cov kwvtij ntseeg Yexus txhua tus, lub caij no yog peb nyob rau lub caij hu ua “Lent.” Lub caij no yog peb ua neej nco txog peb tus Tswv Yexus raug dabntxwgnyoog ntxias tau 40 hnub 40 hmo. Tiamsis dabntxwgnyoog ntxias tsis tau Tswv Yexus. Dhau no mus Tswv Yexus ua tau nws lub neej ncajncees raws li Vajtswv cov kevcai rau peb, Nws raug tsimtxom rau peb thaum kawg Nws tau tuag thiab sawv hauv qhov tuag rov los kovyeej txojkev tuag rau peb. Tagnrho cov koobhmoov no Vajtswv tau muab rau cov ntseeg Yexus lawm. Yog li, peb ua neej nyob rau lub caij no peb nco ntsoov ua Vajtswv tsaug, qhuas Vajtswv thiab ua peb lub neej kom Vajtswv tau koobmeej. Lub caij no peb yuav tau nco ntsoov lees peb tej kev txhaum rau Vajtswv, ua lub neej txo hwjchim thiab sib hlub kom phim peb txojkev ntseeg thiab phim peb yog Vajtswv cov menyuam tiag. Thov Vajtswv foom koobhmoov rau nej txhua tus thiab thov Nws txojkev haumxeeb los kav nej txhua tus lub siab lub caij no rau ntawm Tswv Yexus lub npe. Asmees.