4 tug yuamsij uas ua rau
txojkev sib yuav zoo
Luke 16:16-18 (Kxh. Ntxoov Yias Vaj)
Greetings: Thov Vajtswv foom koob hmoov rau nej, thiab thov Vajtswv txojkev hlub nrog nraim nej txhua tus nyob rau ntawm Tswv Yexus lub npe. Asmees.
Text: Luke 16:16-18
Prayer:
1. Introduction:
a. Npe ___, peb nrog neb zoo siab uas Vajtswv ntuj tau coj neb
los sib sau ua txij ua nkawm, thiab peb nrog neb ob tsevneeg zoo siab ib yam
nkaus thiab. Thov ua Vajtswv ntuj tsaug
thiab thov qhuas Nws lub npe uas Nws tau foom koob hmoov rau neb los ua
niamtxiv.
b. Txojkev sib yuav yog ib yam koob hmoov tshwjxeeb losyog special uas Vajtswv tsim rau peb tibneeg, uas Vajtswv tsis tsim rau lwm yam tsiaj. Yog li no, thaum uas ib tug tub thiab ib tug ntxhais los sib yuav ua niamtxiv, Vajtswv hais kom nkawv yuav tsum sib hlub thiab ua lub neej mus kom txog thaum uas ib tug losyog ob tug tsis muaj txojsia nyob hauv ntiajteb no lawm.
c. Npe____, hnub no Kuv yuav muab 4 zaj lus luv luv coj los qhia rau neb coj mus xav thiab khaws ua neb lub neej. Kuv muab 4 zaj lus no tis npe haistias, 4 tug yuamsij uas ua rau txojkev sib yuav zoo (x2).
2. 4 tug yuamsij uas ua rau txojkev sib
yuav zoo:
a. 4 tug yuamsij uas ua rau txojkev sib yuav zoo, tus yuamsij
ib yog - sib yuav mus tas ib sim (lus Askiv haistias commit to a permanent
relationship). Thaum Vajtswv coj ib
tug tub thiab ib tug ntxhais los sib yuav, Vajtswv txwv tsis pub nkawv sib
nrauj. Yog haistias khub niamtxiv twg
sib nrauj tsis raws li Vajtswv Txojlus hais, tus uas nrauj tau ua txhaum rau
Vajtswv. Vajtswv Txojlus tsuas pub
niamtxiv sib nrauj thaum uas ib tug mus deev lwm tug lawm xwb losyog thaum uas
ib tug cia li khiav tsis rov los lawm.
Tsis tas li no xwb, txhua hkub niamtxiv - tej lub sijhawm yuav hais lus
tsis sib haum vim nyias muaj nyias ib lub siab, tiamsis sis txhob pub tej no ua
rau neb sib nrauj, ibleeg zam txim rau ibleeg, ibleeg rov hais lus zoo rau
ibleeg, tsis ntev sawvdaws rov zoo siab.
Vajtswv hais rau peb haistias yog leejtwg xav los sib yuav, nws yuav
tsum npaj siab los sib yuav mus tas peb sim neej - dhau qhov no lawm ces yog
kev txhaum Vajtswv lawm xwb. Vajtswv
Txojlus haistias, Yam twg yog Vajtswv
coj los uake lawm, neeg yuav tsum tsis txhob muab rhuav qhov no yog hais txog
txojkev sib yuav. Nomtub thiab niam
Nomtub, Vajtswv coj neb los sib yuav lawm, neb tsis txhob pub ib yam dabtsi los
cais neb.
b. Tus yuamsij 2 uas ua rau txojkev sib yuav zoo yog - ua lub neej ncajncees (lus Askiv haistias commit to a faithful relationship). Lo lus haistias, ncajncees no yog haistias koj yuav tsis mus deev lwm tug. Koj yuav ua siab ncaj rau koj tus pojniam losyog koj tus txiv. Nyob lub sijhawm Vajluskub Qub, tus tibneeg uas mus deev lwm tug nws lub txim yog txim tuag. Nws xav tuag lawm nws thiaj mus deev lwm tug. Tiamsis nyob lub sibhawm tamsim no kev sib deev mas yoojyim heev. Peb cov Hmoob muaj coob tug mus ua txojkev phem no ua rau lawv tej neej puastsuaj tas thiab ua rau kwvtij neejtsa muaj kev tu siab. Tsis tas li no xwb, Vajtswv Txojlus txwv tsis pub ib tug txivneej muaj ob peb tug pojniam. Vajtswv tsuas pub ib tug txivneej muaj ib tug pojniam xwb, losyog ib tug pojniam muaj ib tug txiv xwb. Dhau ntawm yog kev txhaum Vajtswv lawm xwb. Nomtub thiab niam Nomtub, Vajtswv coj neb los sib yuav lawm, neb ibleeg ua siab ncaj rau ibleeg, Vajtswv thiaj yuav foom koob hmoov rau neb, thiab neb lub neej thiaj yuav zoo.
3. Tus yuavsij 3 uas ua rau txojkev sib yuav zoo yog - kev koomsiab (lus Askiv haistias commit to a cooperative relationship). Kev koom siab yog ib yam uas tseem ceeb heev rau txojkev sib yuav. Tamsim no neb los ua ib team lawm, neb nyias yuav tsum zoo siab hlo ua nyias tes dejnum sib pab lub neej thiaj yuav zoo. Vajtswv Txojlus haistias tus txiv yuav tsum hlub tus pojniam, tus pojniam yuav tsum txo hwjchim rau tus txiv. Qhov no yog Vajtswv tes dejnum Vajtswv hais kom neb ua. Nomtub, koj yuav tsum hlub koj tus pojniam thiab zoo saib hlo pab nws, tsis txhob pub kom tus pojniam txomnyem losyog los kuamuag. Niam Nomtub, koj yuav tsum txo hwjchim rau koj tus txiv thiab zoo siab hlo txhawb koj tus txiv lub npe. Vajtswv coj neb los ua niamtxiv lawm, Vajtswv Txojlus haistias neb tsis yog obleeg lawm, tiamsis neb yog ibleeg lawm xwb. Txhua yam neb yuav ua, neb yuav tsum sib tham tib zoo mam ua - tsis txhob pub kom ib tug yeej ib tug swb. Thaum neb muaj kev koom siab lawm, neb lub neej yuav zoo heev.
4. Tus yuamsij 4 uas ua rau txojkev sib
yuav zoo yog - cia Yexus ua tus thawj
nyob hauv neb lub neej (lus Askiv
haistias let Jesus be the leader of your marriage). Txawm peb yuav ua txoj haujlwm abtsi los xij,
yog haistias peb mloog tus thawj lus, txhua yam yeej mus zoo rau peb. Tswv Yexus haistias peb ua neej zoo li uas
peb ua tsev nyob. Tswv Yesxus haistias
lub tsev twg yog tsis muab cog rau ntawm Nws, thaum kawg lub tsev ntawd yeej
yuav vau. Txojkev sib yuav los ib yam
nkaus, yog khub niamtxiv twg cia Tswv Yexus ua tus thawj qhia nkawv ua neej,
nkawv lub neej yuav khov mus txog thaum kawg.
Npe ___, Tswv Yexus hlub neb heev, Nws tau los tuag sau tus ntoo
khaublig txiv neb lub txim lawm. Nws yog
peb sawvdaws tus Cawmseej. Nws hlub peb
heev. Nws xav kom txhua khub niamtxiv
muaj lub neej zoo.
3. Closing:
a. 4 tug yuamsij uas ua rau txojkev sib yuav zoo
yog: 1). Sib yuav mus tas ib sim 2). Ua
lub neej ncajncees. 3). Muaj kev koom
siab. 4). Cia Tswv Yexus
ua tus thawj nyob hauv neb lub neej.
b.
Nco ntsoov haistias
Vajtswv yog tus coj neb los sib yuav.
c. Thov Vajtswv foom koob hmoov kom neb yuav muaj lub neej zoo kawg nkaus rau ntawm Tswv Yexus lub npe. Asmees.