“Zoo siab thaum koj raug tsimtxom vim koj yog tus ntseeg”
1 Peter 4:12-17 (Kxh. Ntxoov Yias Vaj)
Greetings: Nyob zoo cov kwvtij ntseeg txhua tus! Thov Vajtswv foom koob hmoov rau nej, thiab thov Tswv Yexus txojkev hlub nrog nraim nej txhua tus nyob. Asmees.
Text: 1 Peter 4:14
Prayer:
1. Introduction:
a. Vajtswv Txojlus Kuv npaj coj tuaj qhuabqhia rau peb kev hawm Vajtswv hnub no hu ua, “Zoo siab thaum koj raug tsimtxom
vim koj yog tus ntseeg.”
b. Vajtswv Txojlus qhia rau peb haistias thawj thawj tus ntseeg Yexus uas raug kev tsimtxom tuag yog Stephen. Stephen yog ib tus ntseeg uas ua tau dejnum zoo heev rau Vajtswv thiab nws kub siab lug qhia Vajtswv Txojlus rau cov tsis ntseeg. Tiamsis vim cov tibneeg tsis ntseeg ntxub Yexus heev. Muaj ib hnub thaum Stephen tabtom qhia Vajtswv Txojlus, lawv xuas pobzeb ntaus Stephen tuag. Txawm yog li ntawd los Stephen tseem zoo siab hlo thov Vajtswv pab rau cov tibneeg phem ntawd kom Vajtswv tsis txhob suav txim rau lawv.
c. Ntaub ntawv qhia rau peb haistias nomtswv tsimtxom cov Hmoob ntseeg Yexus nyob Nyablaj teb loj kawg nkaus. Cov ntseeg nyob Nplogteb los kuj raug kev tsimtxom heev. Cov ntseeg nyob Suavteb, Kauslij Nqaumteb, tebchaws Afghanistan, Middle East, etc. lawv niaj hnub raug tsimtxom los ntawm cov pejxeem tsis ntseeg thiab tej nomtswv uas tsis ntseeg Yexus. Tiamsis txawm yog li ntawd los cov ntseeg Yexus lawv yeej zoo siab hlo nyiaj lawv tej kev tsimtxom, txawm lawv yuav tuag los lawv yeej zoo siab. Lawv yeej tsis tso lawv txojkev ntseeg tseg! Because they know about the glory which is to come.
d. Vajtswv Txojlus qhia rau peb haistias cov ntseeg Yexus tiam cov thwjtim tseem nyob los lawv raug tsimtxom loj kawg nkaus, cov ntseeg thiaj tau tawg khiav mus nyob rau ntau qhovchaw. Txhua tiam txij thaum Tswv Yexus los txog tiam peb nyob no, cov ntseeg Yexus raug tsimtxom heev. Cov raug tua los muaj, cov raug kaw los muaj, cov raug muab pov rau tsov noj los muaj, cov raug muab txiav tawm ntawm haiv neeg mus los muaj. Dabntxwgnyoog siv cov tsis ntseeg thiab cov nomtswv tsis ntseeg ua kom cov ntseeg puastsuaj. Tiamsis Vajtswv Txojlus txhawb peb haistias, “Vajtswv yuav nrog nraim cov ntseeg nyob, thiab Vajtswv lub Tuamtsev yeej yuav tsis puastsuaj ib zaug li.” Tsis tas li no xwb, cov ntseeg Yexus ua haujlwm sib zog kawg nkaus nrog txhua lub tebchaws kom cov ntseeg Yexus tau txais kev ywjpheej los ua Vajtswv tes dejnum thiab hawm Vajtswv.
2. Peb yeej yuav raug tsimtxom:
a. Lub Sunday tas los no Kuv baptized
Chia Yang tsevneeg. Chia
tau hais rau kuv haistias, “Kuv los ntseeg Yexus, tej zaum kuv cov kwvtij yuav
tsis txaus siab rau kuv.” Peb
muaj ib cov ntseeg nyob
b. Tej zaum nej tau raug kev tsimtxom yav dhau los vim nej ntseeg Yexus Khetos ua nej tus Cawmseej. Peb sawvdaws yeej paub zoo haistias peb cov Hmoob los ntseeg Yexus tsis yoojyim yog haistias tus thawj ntawm peb tsevneeg tsis ntseeg losyog cov coob ntawm cov kwvtij tsis ntseeg.
c. Hnub no Vajtswv Txojlus 1 Pestus ntuas peb haistias peb tsis txhob xav zoo li yam uas peb tsis paub losyog tsis tau hnov los (do not be surprised) thaum peb raug kev tsimtxom vim peb ntseeg Yexus. Peb yeej yuav raug kev tsimtxom, vim muaj ib cov neeg yuav ntxub Yexus heev. Thaum peb raug kev tsimtxom, peb cia li zoo siab, rau qhov thaum peb raug kev tsimtxom yog peb koom nrog Tswv Yexus txojkev tsimtxom. Peb ua tau povthawj haistias Yexus yog peb tus Cawmseej tiag tiag. Nws nyob hauv peb lub siab. Tus uas raug tsimtxom, vim nws ntseeg Yexus, nws yuav tau txais koobmeej ci ntsa iab thaum Tswv Yexus rov los.
d. Vajtswv Txojlus haistias thaum koj raug neeg thuam vim koj ntseeg Yexus, thaum ntawd koj twb tau koobhmoov losyog koj cia li zoo siab, rau qhov thaum ntawd Vajtswv tus Ntsujplig tus Dawbhuv nrog koj nyob. Vajtswv tus Ntsujplig yuav txhawb koj lub zog thiab Nws yuav tsomkwm koj. Nws yuav pab kom koj nyiaj dhau qhov koj raug kev tsimtxom ntawd. Tiamsis Vajtswv Txojlus ceevtoom rau peb haistias ceevfaj peb tsis txhob mus tua neeg, ua tubsab losyog ua phem rau lwm tug, thaum no qhov peb raug tsimtxom yuav tsis paub peb dabtsi.
e. Vajtswv Txojlus ntuas peb ntxiv haistias thaum peb raug kev tsimtxom peb tsis txhob txajmuag losyog tsis txhob poob ntsejmuag, tiamsis peb yuav tau qhuas Vajtswv vim peb muaj Vajtswv lub npe nyob hauv peb. Tej kev tsimtxom uas peb raug no yuav ua rau peb txojkev ntseeg ruaj khov. Tus uas ntseeg Yexus tiag tiag, thaum nws raug kev tsimtxom, nws txojkev ntseeg ruaj tshaj qhovqub thiab nws tsis lam tso nws txojkev ntseeg tseg. Nws yuav nyiaj mus kom txog thaum kawg, vim nws npaj siab yuav mus txais Vajtswv lub koobmeej ci ntsa iab yuav los tom ntej no. Yog thaum peb raug kev tsimtxom es peb tso peb txojkev ntseeg tseg, peb yeej tsis txawv tus uas tsis ntseeg.
f. Vajtswv Txojlus haistias Vajtswv yuav txiavtxim rau neeg ntiajteb, tiamsis Vajtswv yuav pib ntawm Vajtswv tsevneeg. Thaum peb raug tsimtxom zoo li yog peb raug txiavtxim, tiamsis yog peb nyiaj dhau peb yuav zoo siab heev (overjoyed) vim peb yuav tau txais Vajtswv cov koob hmoov. Tiamsis tus uas nyiaj tsis dhau thiab tsis ntseeg, Vajtswv Txojlus haistias lawv yuav khiav tsis dhau Vajtswv txojkev rau txim yuav los tom ntej no.
3. Closing:
a. Cov kwvtij txhua tus, peb ua Vajtswv tsaug, vim haistias
Vajtswv tus tub tau los raug txojkev tsimtxom thiab kev
txomnyem uas loj kawg nkaus rau peb lawm.
b. Tswv Yexus tau raug kev tsimtxom tuag nyob peb lub chaw lawm, thaum koj thiab kuv peb baptized rau ntawm Vajtswv lub npe, Vajtswv zam txim txim rau peb lawm. Peb yuav tsis raug Vajtswv txojkev rau txim yuav los tom ntej no, vim peb nrog Tswv Yexus koom ib txogsia. Peb yog Vajtswv cov menyuam.
c. Peb yuav tau nco ntsoov haistias vim peb yog Vajtswv cov menyuam, neeg yuav thuam peb, ntxub peb thiab tsimtxom peb. Tiamsis thaum muaj neeg thuam nej, ntxub thiab tsimtxom nej vim nej ntseeg Yexus, nej tsis txhob ua phem rau lawv, tiamsis nco ntsoov haistias Vajtswv tus Ntsujplig yuav pab nej thiab txhawb nej lub zog. Nej cia li zoo siab hlo thov Vajtswv pab cov neeg ntawd thiab qhia Vajtswv Txojlus rau lawv kom lawv los ntseeg Yexus thiab. Thaum nej raug kev tsimtxom, nej tsis txhob txajmuag thiab tsis txhob tso nej txojkev ntseeg tseg zoo li muaj ib txhia tau ua lawm. Tiamsis nej tabmeeg ntseeg Yexus mus kom txog thaum Nws rov los tos peb mus nyob ntuj ceebtsheej. Hnub ntawd peb yuav tau txais txhua yam koobhmoov Vajtswv tau npaj tseg rau peb. Pestus haistias nnub ntawd peb yuav zoo siab kawg nkaus (be overjoyed).
d. Thov Vajtswv tus Ntsujplig los tsomkwm nej thiab txhawb nej txojkev ntseeg kom ruaj khov kho rau ntawm Tswv Yexus lub npe. Asmees.