“Lub Pobzeb ciajsia”

1 Peter 2:4-10

Greetings: Thov Vajtswv foom koob hmoov rau nej, thiab thov Vajtswv txojkev hlub nrog nraim nej txhua tus nyob rau ntawm Tswv Yexus lub npe. Asmees.

Text: 1 Peter 2: 4-5

Prayer:

1. Introduction: The rejected stone becomes the corner stone:
a. A hated son-in-law has become the Savior for the mother-in-law when she was sick.

b. Vajtswv tau muab lub pobzeb uas neeg tsis kam yuav los ua lub thawj pobzeb. Lub thawj pobzeb yog Tswv Yexus Khetos. Vajtswv Txojlus Tswv Yexus yog lub Pobzeb uas ciajsia. Vajtswv txib Tswv Yexus los rau hauv haivneeg Ivxayees, tiamsis lawv tsis kam ntseeg Yexus. Tiamsis Vajtswv Txojlus haistias, “Vajtswv muab txhua tus uas ntseeg Yexus ua pobzeb ciajsia zoo ib yam li Yexus.”

2. God made the Christians living stones and priesthoods:
a. Hnub no Vajtswv Txojlus qhia rau peb haistias peb txhua tus uas nimno ntseeg Yexus ua peb tus Cawmseej – Vajtswv yog tus coj peb los ntseeg Yexus. Nws tsis yog peb los ntawm peb tus kheej. Vajtswv yog tus los cawm peb thiab yog tus pab peb dim txim los ua Vajtswv cov menyuam.

b. Cov ntseeg Yexus yog cov neeg uas zoo kawg nkaus rau ntawm Vajtswv – precious before God. Dhau los ntawm peb txojkev ntseeg, Vajtswv coj peb los koom nrog lub pobzeb ciajsia uake uas yog Tswv Yexus. Vajtswv Txojlus haistias cov tsis ntseeg lub Pobzeb, lawv yuav dawm lub Pobzeb ntog. Qhov no txhais haistias lawv yuav raug kev puastsuaj.

c. Pobzeb yog lus pivtxwv hais txog yam uas tawv, yam uas khov tsis muaj leejtwg ua tawg tau. Tswv Yexus yog tus tawv, khov thiab tus muaj hwjchim loj kawg nkaus, Dabntxwgnyoog, kev txhaum thiab kev tuag kov tsis yeej Tswv Yexus. Cov ntseeg Yexus nrog Tswv Yexus khoom uake; Dabntxwgnyoog, kev txhaum thiab kev tuag yuav kov tsis yeej lawv ib yam nkaus vim lawv nrog Tswv Yexus koom uake lawm. Yog li, Vajtswv Txojlus thiaj haistias cov ntseeg yog cov pobzeb ciajsia thiab.

d. Vajtswv Txojlus qhia rau peb haistias thaum peb los ntseeg Yexus, Vajtswv tes haujlwm tsis tau tas li ntawd xwb, Vajtswv tseem yuav ua kom peb yog ib lub tsev ntawm sab ntsujplig rau Vajtswv (building us into a spiritual house), kom peb yog Vajtswv cov Xibhwb dawbhuv thiab kom peb txawm muab kev fij rau Vajtswv ntawm sab ntsujplig uas haum Vajtswv lub siab dhau los ntawm Tswv Yexus Khetos lub npe. Cov lus no txhais tau yooj yooj yim haistias thaum peb los ntseeg Yexus lawm, Vajtswv yuav pab peb thiab txhawb peb kom peb ua tau tus tibneeg zoo kawg nkaus li Vajtswv lub siab nyiam.

e. Vajtswv Txojlus qhia rau peb haistias Vajtswv yeej tsis pub cov uas los ntseeg Vajtswv txajmuag losyog poob ntsejmuag ib zaug li. Qhov no txhais tau haistias Vajtswv yeej yuav foom koob hmoov rau cov ntseeg Yexus raws li Vajtswv tau hais tseg rau lawv. Lawv yeej yuav dim lawv lub txim mus tau txojsia nyob ntev mus tas ibtxhis.

f. Vajtswv xaiv cov ntseeg Yexus los ua Vajtswv cov neeg. Vajtswv Txojlus hais ntxiv tias lawv yog Huabtais qaum ntuj cov Xibhwb. Lawv yog ib lub tebchaws uas dawbhuv. Lawv yog Vajtswv cov tibneeg. Lawv yog cov tibneeg uas tau tawm hauv qhov tsaus ntuj los nyob ntawm qhov pom kev. Thiab lawv yog cov uas tau txais Vajtswv txojkev hlub.

3. Closing:
a. Hnub no nej cov uas tau txais Vajtswv txoj kevcai ntxuav, nej tau txais Vajtswv txojkev hlub. Vajtswv coj nej los nrog lub Pobzeb ciajsia koom uake. Nej yog cov menyuam pobzeb ciajsia uas tsis muaj leejtwg yuav ua tau puastsuaj. Vajtswv yuav tsomkwm thiab tivthaiv nej mus tas nej simneej. Hnub no Vajtswv tau txais nej los ua Vajtswv cov tibneeg. Vajtswv tau zam nej cov txim txhaum. Nej los koom nrog Vajtswv lub tebchaws uas dawbhuv. Nej yog Huabtais qaumntuj cov Xibhwb. Nej yog cov uas los nyob ntawm qhov pom kev. Qhov nej los ntseeg Yexus, Vajtswv yeej tsis pub kom nej txajmuag losyog poob ntsejmuag, tiamsis Vajtswv yeej yuav foom koob hmoov rau nej, vim nej yog Vajtswv cov menyuam uas zoo kawg nkaus – precious children of God.

b. Yog vim li cas Vajtswv thiaj xaiv peb los ua Vajtswv cov tibneeg uas zoo kawg nkaus no? Vajtswv Txojlus qhia rau peb haistias Vajtswv xaiv peb los ua Vajtswv cov neeg kom peb mus tshajtawm Vajtswv lub koobmeej – mus qhia Vajtswv Txoj Moo Zoo, mus qhia Vajtswv txojkev hlub kom txhua tus tibneeg los ntseeg Yexus lawv thiaj dim lawv lub txim, dim Dabntxwgnyoog lub hwjchim thiab tau txojsia ntev mus tas ibtxhis.

c. Vajtswv yuav ua kom nej lub tsev tiav dhau los ntawm qhov nej kawm Vajtswv Txojlus, nej tuaj hawm Vajtswv lub npe thiab tuaj txais noj tus Tswv Rooj Mov. Thaum nej ua tej no, Vajtswv yuav ua rau nej zoo siab hlo mus tshajtawm Vajtswv lub koobmeej thiab txojkev hlub, thiab Vajtswv yuav pab ua kom yog lub tsev (losyog tus ntseeg) uas zoo kawg nkaus rau Vajtswv. Thov Vajtswv txojkev haumxeeb nrog nraim nej txhua tus nyob mus li. Asmees.