Leejtwg thiaj yog tus hlub Vajtswv

1 Yauhas 4:13-21  (428/2006)

 

Greetings:  Thov Vajtswv foom koob hmoov rau nej thiab thov Vajtswv txojkev hlub nrog nraim nej nyob rau ntawm Tswv Yexus lub npe.  Asmees.

Text:  1 Yauhas 4:21

Prayer:

1.         Introduction:
            a.         Vajtswv Txojlus 1 Yauhas 4:21 haistias, “Tus uas hlub Vajtswv, nws yuav tsum hlub nws tus kwvtij.”  Nqe 16 haistias, “Rau qhov Vajtswv yog tus hlub.” Vajluskub haistias “Vajtswv yog/tus hlub – lo lus Askiv haistias – “God is love.”  Peb tus Vajtswv yog tus uas muaj kev hlub mus li - tsis yog haistias thaum twg Vajtswv xav hlub ces Vajtswv mam hlub xwb, yog thaum twg Vajtswv tsis xav hlub ces Vajtswv tsis hlub.  Nws tsis yog li no, Vajtswv yog/tus hlub uas muaj kev hlub npluamias txhua lub sijhawm – yeej tsis hloov li!    

 

            b.         Vajtswv tsis yog hlub ntawm lo lus xwb, tiamsis Vajtswv ua rau peb pom thiab paub haistias Vajtswv yeej hlub peb tiag tiag dhau los ntawm dejnum.  Vajluskub haistias Vajtswv hlub tibneeg ntiajteb kawg nkaus li, Vajtswv thiaj txib Vajtswv tus tub, Yexus, los tuag txhiv neeg lub txim kom neeg tsis txhob tuag tiamsis tau txojsia nyob ntev mus tas ibtxhis.  Txhua yam Vajtswv ua rau peb losyog ua rau tibneeg ntiajteb yog ua los ntawm Vajtswv txojkev hlub.  Nyob ntawm Vajtswv yeej tsis muaj ib qhov phem hlo li.  Vajtswv npo npo txojkev hlub.  Peb yog Vajtswv cov menyuam, cov uas tau txais Vajtswv txojkev hlub thiab peb paub txog Vajtswv txojkev hlub, Vajtswv Txojlus hais kom peb yuav tsum muaj txojkev hlub zoo li Vajtswv nyob rau hauv lub ntiajteb no.  Peb yuav tau cia Vajtswv txojkev hlub ntws ntawm peb mus rau lwm tug.  Vajtswv Txojlus haistias peb yuav tsum ua lub neej sib hlub!

 

            c.         Yog li, Vajtswv Txojlus thiaj haistias, “Vajtswv yog tus hlub, tus uas hlub,  Vajtswv nyob hauv nws thiab nws nyob hauv Vajtswv; nqe 8 haistias, ‘tus uas tsis hlub nws yeej tsis tau paub Vajtswv.’” Cov lus no tseem ceeb thiab muaj nqi kawg nkaus rau peb txojkev ntseeg thiab kev ua neej rau ntawm Vajtswv. 

 

 

 

2.         Our failure to love:

a.         Cov kwvtij, txojkev hlub yog yam uas zoo tshajplaws tiag tiag.  Nyob hauv peb lub siab, peb yeej muaj kev hlub, peb yeej xav tau kev hlub thiab peb yeej xav hlub lwm tus.   Tiamsis vim peb yog neeg txhaum losyog peb yog neeg muaj txim, thiab yog peb tsis muaj Vajtswv nyob hauv peb, peb thiaj hlub tsis tau raws li qhov peb lub siab xav muaj xav tau ntawd thiab peb thiaj hlub tsis tau lwm tug raws li Vajtswv hais. 

 

b.         Vajtswv Txojlus haistias thaum Vajtswv nyob hauv peb thiab peb nyob hauv Vajtswv lawm, txojkev hlub tiav rau ntawm peb – lus Askiv haistias, “When God is in us and we are in Him, love is completed among us.”.  Qhov no txhais haistias Vajtswv yeej hlub peb, thiab yog peb sib hlub, txojkev hlub tiav nyob hauv peb txhua tus lub neej, vim haistias lub neej uas Vajtswv hais kom peb ua yog peb yuav tsum sib hlub.  Thaum peb sib hlub lawm ces yog peb ua neej raws li qhov Vajtswv hais lawm – txojkev hlub thiaj tiav raws li Vajtswv tau npaj tseg rau peb.  Vajtswv Txojlus haisitas thaum peb hlub peb yuav muaj kev kaj siab lug, peb yuav tsis ntshai tias peb yuav raug txim thaum lub ntiajteb no kawg; tus uas muaj kev hlub, nws yeej tsis ntshai, vim haistias txojkev hlub ntiab kev ntshai tawm ntawm peb mus lawm.

 

3.         We need to live life of love:
            a.         Cov kwvtij, lub neej sib hlub yog lub neej uas tseem ceeb thiab zoo tshajplaws tiag tiag thiab yog cov ntseeg lub neej.  Vajtswv hais kom peb yuav tsum sib hlub thiab peb yuav tsum hlub peb cov kwvtij zejzog uas yog txhua tus tibneeg.  Qhov no yog peb lub neej, nws yog peb lub luag dejnum li tus ntseeg.  Vajtswv Txojlus haistias, “Yog koj haistias koj hlub Vajtswv, tiamsis koj tseem ntxub koj cov kwvtij, koj yog tus neeg dag; tus uas tsis hlub nws cov kwvtij uas nws ob lub qhovmuag pom nws yeej hlub tsis tau Vajtswv tus uas nws ob lub qhovmuag tsis pom.  Tus uas haistias nws hlub Vajtswv, nws yuav tsum hlub nws cov kwvtij.” 

 

            b.         Thaum koj hnov Vajtswv cov lus no koj xav li cas?   Cov lus no tseem ceeb heev rau peb lub neej thiab peb txojkev ntseeg Vajtswv.  Yog koj thiab kuv tsis muab Vajtswv tej lus no saib tseem ceeb ces peb txojkev ntseeg yeej tsis tseem ceeb thiab cia Vajtswv txojkev hlub ua dejnum raws li Vajtswv hais.  Peb haistias peb ntseeg, tiamsis thaum kawg Vajtswv yeej tsis txais yuav peb.  Hnub kawg Tswv Yexus yuav tsis txais yuav ib cov ntseeg vim haistias lawv yog neeg ntxeev siab, lawv ntseeg ib yam tiamsis lub neej ua lwm yam.  Tswv Yexus yuav haistias, “Kuv tsis paub nej!”  Peb tsis txhob ntxeev siab rau peb tus Tswv li ntawd.

 

c.         Peb yuav tsum sib hlub.  Peb yuav sib hlub li cas?  Ua ntej tshajplaws Vajtswv yog tus hlub peb, koj yog tus uas paub Vajtswv txojkev hlub, koj yuav tau cia Vajtswv txojkev hlub ntws ntawm koj mus rau koj tsevneeg, koj tej kwvtij neejtsa, cov ntseeg thiab lwm tug raws li Vajtswv hais.  Txojkev hlub yog kev ua dejnum sib pab, sib txhawb zog thiab ib tug ua zoo rau ib tug.  Tus muaj Vajtswv txojkev hlub yeej tsis ua phem thiab tsis xav phem rau ib tus twg!

 

            d.         Kuv muab Vajtswv txojkev hlub piv li no, zoo li pluag mov, yog koj tsis tau noj, koj yeej tsis tsau plab thiab koj yeej tsis paub haistias qab li cas.   Muaj ib tug txivneej hais li no, nws haistias, “Koj tsis hlub vim koj yeej tsis muaj kev hlub nyob hauv koj.”  Vajtswv yog tus hlub, Vajtswv muab Vajtswv txojkev hlub rau peb.  Yog peb haistias peb muaj Vajtswv txojkev hlub nyob hauv peb, peb yeej yuav tsum muab tau Vajtswv txojkev hlub rau lwm tug.    Yog peb muab tsis tau ces txhais haistias peb tsis tau muaj.  Faith and love go together, we cannot have one without the other!  Let our Church be a place of love for each other, support each other and others.  Let us be  like a tree that birds can come and find shelter.  If we cannot be a place like this for ourselves and for others, then God’s love is not with us.

 

4.         Closing:
            a.         Analogy:  A teacher hug the bad student turn into a good student.

 

b.         Ib yam nkaus li no, peb yog neeg phem, peb yog neeg muaj txim txhaum rau Vajtswv, tiamsis Vajtswv hlub peb, Vajtswv zam txim rau peb, Vajtswv thiaj tau coj peb los ua Nws cov menyuam uas zoo kawg nkaus.  Peb yog Vajtswv cov neeg, peb yuav tau sib hlub thiab peb yuav tau hlub lwm tus, lub neej ntseeg Yexus yog ua li no.  Thaum peb ua neej li Vajtswv hais peb yuav nyob kaj siab lug tiag tiag, rau qhov thaum no Vajtswv los nyob hauv peb thiab peb nyob hauv peb. 

c.         Thov Vajtswv txojkev hlub los kav nej txhua tus lub siab rau ntawm Tswv Yexus lub npe.  Asmees.