Kev sib raug zoo ntawm peb thiab Vajtswv
1 Yauhas 3:1-2
Greetings: Thov Vajtswv foom koob hmoov rau nej thiab thov Nws txojkev haumxeeb los kav nej lub siab rau ntawm Tswv Yexus lub npe. Asmees.
Text: 1 Yauhas 1:1-2
Prayer:
1. Introduction:
a. Kuv tau mloog ib tug pojniam nyob
b. Kev ntseeg Vajtswv yog kev nrog Vajtswv sib raug zoo. Nws zoo ib yam li peb nrog peb niam peb txiv, peb tej menyuam, peb kwvtij neejtsa thiab phoojywg sib raug zoo. Cov neeg uas peb nrog lawv sib raug zoo peb hais lus zoo rau lawv, peb hlub lawv, peb pab lawv, peb mob siab txog lawv, peb nco ntsoov lawv rau hauv peb lub siab thiab lub neej, thiab ntau yam uas zoo. Thaum twg yog peb tsis quavntsej txog cov neeg no ib tus twg lawm ces peb thiab tus ntawd txojkev sib raug zoo yuav tu zujzus mus. Peb txojkev ntseeg Vajtswv zoo ib yam nkaus li no. Yog peb nco ntsoov Vajtswv nyob hauv peb lub siab, peb nrog Vajtswv sib raug zoo heev, tiamsis yog lub sijhawm twg peb tsis quavntsej txog Vajtswv lawm ces peb tau txiav peb kev nrog Vajtswv sib raug zoo. Nws tsis yog haistias Vajtswv tsis hlub peb thiab tsis nrog peb sib nraug zoo, tiamsis peb yog tus uas txiav peb tawm ntawm Vajtswv zoo li tus pojniam kuv hais los tus txiv.
2. God lavished his love
for us:
a. Hnub no nyob hauv 1 Yauhas 3, Vajtswv Txojlus qhia rau peb
haistias Vajtswv txojkev hlub peb mas loj tshajplaws li losyog zoo tshajplaws
li. Lus Askiv haistias, “How great is the love the Father has
lavished on us.” Vajtswv hlub peb tshajplaws
li, Nws thiaj txib Nws tus tub Yexus los tuag nyob peb lub chaw kom peb tau
txojsia. Vajtswv nrog peb sib raug zoo
dhau los ntawm qhov uas Vajtswv hlub peb tshajplaws no. Tsis yog li no xwb, Vajtswv nrog peb sib raug
zoo li peb Txiv, peb yog Vajtswv cov menyuam.
Vajtswv haistias peb yog Nws cov menyuam uas zoo tshajplaws.
b. Koj hais puas tau rau Vajtswv haistias, “Vajtswv, koj yog kuv Leejtxiv tus uas zoo tshajplaws; kuv hlub koj tshajplaws.” Yog koj hais tau li no, koj nrog Vajtswv sib raug zoo zoo heev. Tiamsis yog koj hais tsis tau li no rau Vajtswv tus uas hlub koj tshajplaws txhais tau haistias koj muaj teebmeem; koj txojkev nrog Vajtswv sib raug zoo tej zaum yuav tsis zoo. Yog koj txojkev ntseeg nrog Vajtswv sib raug zoo tsis zoo koj yuav tau saib seb yog vim li cas?
f. Hnub twg losyog lub sijhawm twg koj tsis xav txog Vajtswv, koj tsis quavntsej txog Vajtswv tej lus, koj tsis xav ua Vajtswv tej dejnum, koj tsis cia Vajtswv tej lus qhia koj ua neej es koj ua raws li koj lub siab xav lawm xwb, thaum ntawd koj nyob deb ntawm Vajtswv lawm. Koj zoo li tus pojniam losyog tus txiv uas twb mus nrhiav dua lwm tug lawm. Ntau zaug Vajtswv muab cov ntseeg txojkev nrog Vajtswv sib raug zoo piv rau txojkev sib yuav losyog piv rau niamtxiv txojkev sib raug zoo. Vajtswv zoo li txiv uas hlub nws tus pojniam kawg nkaus li, tiamsis tus pojniam pheej ua siab phem rau nws tus txiv, nws pheej mus deev tus ub tus no. Thaum kawg cov ntseeg zoo li no yuav raug txiav tawm ntawm Vajtswv mus.
3. Closing:
a. Cov kwvtij, tsis yog Vajtswv hlub peb xwb, tom ntej no
Vajtswv tseem yuav muab peb ua cov neeg uas zoo tshajplaws nyob hauv Vajtswv
lub tebchaws. Yauhas haistias nimno peb tsis paub haistias
tom ntej peb yuav zoo li cas; Xibhwb Povlauj haistias nimno peb pom Vajtswv
zemzuag xwb, tiamsis nkawv obleeg haistias yav tom ntej peb yuav pom Vajtswv
tseeb tim ntsej tim muag thiab peb yuav zoo li Vajtswv. Tsis muaj ib yam dabtsi zoo tshaj qhov
no. Qhov no yog qhov kuv cia siab
tshajplaws. Kuv cia siab haistias hnub
ntawd txhua yam uas tsis zoo thiab phem ntawm kuv yuav ploj mus tas huvsi es
kuv yuav yog ib tug uas zoo tshajplaws raws li qhov Vajtswv tsim kuv los ua
tibneeg nyob. Kuv xav haistias qhov no yuav
yog koj qhov kev cia siab thiab!
Analogy: Do you wish to look like some body else? Lwm hnub peb yuav zoo li Vajtswv no! Qhov no tsis yog haistias peb yuav yog Vajtswv, tiamsis peb yuav zoo li Vajtswv. Qhov no yog hais txog Vajtswv tus yamntxwv. Peb tus yamntxwv yuav zoo li Vajtswv tus yamntxwv. Nej puas nco lawm thaum chivkeeb Vajtswv tsis Nkauj Iab thiab Nraug Oo nkawd. Vajtswv tsim nkawd zoo li Vajtswv tus yamntxwv. Yog peb nrog Vajtswv sib raug zoo mus li, thaum txog sijhawm peb yuav zoo li Vajtswv tus yamntxwv. Txhua yam yuav tig rov mus zoo li qub thaum chivkeeb rau txhua tus ntseeg Yexus!
b. Nyob ntawm 1 Yauhas 3:3 haistias, “Cov neeg uas paub li no losyog cov uas muaj kev cia siab li no lawv ua
rau lawv tus kheej dawbhuv ib yam li Vajtswv yog tus dawbhuv.”
c. Hnub no Kuv thov ntuas nej thiab txhawb nej txhua tus haistias vim peb yog Vajtswv cov menyuam uas Vajtswv hlub tshajplaws thiab Vajtswv nrog peb sib raug zoo zoo tshajplaws li, peb yuav tau hlub Vajtswv tshajplaws thiab nrog Vajtswv sib raug zoo kom zoo tshajplaws. Vajtswv Txojlus haistias peb yuav tsum hlub Vajtswv kawg siab kawg hlwb thiab kawg txojsia. Qhov no txhais tau haistias yam uas tseem ceeb tshajplaws ntawm peb uas yog peb lub siab, lub hlwb thiab txojsia/losyog tus ntsujplig peb yuav tau muab rau Vajtswv, vim haistias yam uas tseem ceeb tshajplaws rau ntawm Vajtswv, Vajtswv tau muab rau peb lawm. Peb yuav tau nrog Vajtswv sib raug zoo zoo tshajplaws li no, cov kwvtij! I don’t know whether my sermons are any helpful to you; but everytime when I write and preach a sermon, it changes me. I hope everytime you hear God’s Word, you let God change you as well.
d. Vajtswv Txojlus yog Vajtswv lub hwjchim yuav ua rau koj nrog tau Vajtswv sib raug zoo kom zoo tshajplaws. Koj yuav tau rau siab kawm Vajtswv Txojlus kom koj thiaj paub Vajtswv zoo kom thiaj txawj nrog Vajtswv sib raug zoo kom zoo tshajplaws tiag tiag es koj tsis txhob ua tus ntseeg uas tsis kub tsis sov.
Analogy: Why we have trouble with our wives and husband - because we don’t know them well. Why the parents and children are not getting along - because they don’t know each other well. When we don’t know one another well, we canno get along.
e. Vajtswv yog peb Txiv, Vajtswv paub peb zoo heev lawm, tiamsis peb yuav tau kawm Nws Txojlus kom peb paub Nws zoo. Yav dhau los yog haistias koj tsis nrog Vajtswv sib raug zoo, hnub no koj cia Vajtswv hloov koj kom koj yuav yog Vajtswv ib tug menyuam uas zoo tshajplaws kom koj txawj hlub Vajtswv kawg koj lub siab, kawg koj lub hlwb thiab kawg koj txojsia losyog koj tus ntsujplig, thiab rau siab ntso nrog koj tsevneeg thiab kwvtij neejtsa thiab phoojywg sib raug zoo kom dawbhuv losyog kom zoo tshajplaws vim haistias koj thiab kuv peb yog Vajtswv cov menyuam uas dawbhuv zoo li Vajtswv yog tus dawbhuv. Thov Vajtswv txojkev hlub nrog nraim nej nyob mus li rau ntawm Tswv Yexus lub npe. Asmees.